ក្រោយទន្ទឹងរងចាំអស់រយៈជាយូរ Manchester United បានប្រកាសដំណឹងឲ្យអ្នកគាំទ្រ របស់ពួកគេសប្បាយចិត្ត ដោយសម្រេចទិញបានខ្សែបម្រើ Donny van de Beekជាផ្លូវការ។
កីឡាករវ័យ២៣ឆ្នាំ ចូលរួមជាមួយបិសាចក្រហម ក្នុងតម្លៃខ្លួន៣៥លានផោន ពីក្រុមនៃប្រទេសហុល្លង់ Ajax។ Van de Beek បានចុះកុងត្រារយពេល៥ឆ្នាំ ដោយទទួលបានជាង១០ម៉ឺនផោនក្នុងមួយសប្ដាហ៍ ជាមួយលក្ខខណ្ឌប្រាក់ លើកទឹកចិត្តផ្សេងទៀត។
Donny ជាកីឡាករវ័យក្មេង ដែលមានទេពកោសល្យលេង តំបន់កណ្ដាលប៉ះបានច្បាស់ ជាពិសេសការសម្រេចទី របស់គេល្អផងដែរ។ គេជាកីឡាករដំបូងដែលលោក Ole Gunnar Solskjaer នាំចូលក្នុងរដូវក្ដៅនេះ ហើយត្រូវចាប់ដៃគូ លេងជាមួយ Paul Pogba និងBruno Fernandes។
