សេនហ្វ្រេនស៊ីស្កូ ៖ ក្រុមហ៊ុន Microsoft បានប្រកាសថា ខ្លួនទទួលបានទិញក្រុមហ៊ុន ZeniMax Media ក្នុងតម្លៃ ៧.៥ ពាន់លានដុល្លារ ដើម្បីបន្ថែមសាច់ដុំនៅលើដៃ Xbox របស់ខ្លួនមុន ពេលមានការប្រកួតប្រជែងគ្នា យ៉ាងខ្លាំងនៅក្នុងទីផ្សារ សម្រាប់ឧបករណ៍ហ្គេមថ្មី យោងតាមការចេញផ្សាយ ពីគេហទំព័រជប៉ុនធូដេ ។
ZeniMax គឺជាក្រុមហ៊ុនមេរបស់ Bethesda Softworks ដែលជាអ្នកចេញផ្សាយសិទ្ធិហ្គេម ដ៏ពេញនិយមរួមមាន Dishonored, Doom, Fallout និង Elder Scrolls ។ ក្រុមហ៊ុន Microsoft បាននិយាយនៅ ក្នុងសេចក្តីថ្លែងការណ៍មួយថា Bethesda នាំមកនូវផលប័ត្រ គួរឲ្យចាប់អារម្មណ៍ នៃហ្គេមបច្ចេកវិទ្យាភាពប៉ិនប្រសប់ ក៏ដូចជាកំណត់ត្រាភាពជោគជ័យ នៃពាណិជ្ជកម្មដ៏អស្ចារ្យ។ ក្រុមហ៊ុននឹងចំណាយសាច់ប្រាក់ ជាមួយនឹងកិច្ចព្រមព្រៀង ដែលរំពឹងថា នឹងបញ្ចប់នៅពាក់កណ្តាលឆ្នាំ ២០២១ ។
កិច្ចព្រមព្រៀងនេះធ្វើឡើង ស្របពេលក្រុមហ៊ុន Microsoft ត្រៀមនឹងចេញ លក់ Xbox Series X របស់ខ្លួននៅពាក់កណ្តាល ខែវិច្ឆិកាដែលជាការអាប់ដេត លើកដំបូងទៅកាន់កុង សូលហ្គេមចាប់តាំងពីឆ្នាំ ២០១៣ ។ ការទន្ទឹងរងចាំយ៉ាងអន្ទះសា របស់ក្រុមហ៊ុនSony ក៏នឹងចេញលក់ PlayStation 5 នៅខែវិច្ឆិកាផងដែរ ដោយបង្កើតការប៉ះទង្គិច រដូវវិស្សមកាលជាមួយXbox ព្រោះឧស្សាហកម្មហ្គេមរីកដុះដាល ក្នុងកំឡុងពេលឆ្លងរាលដាល ។
នាយកប្រតិបត្តិ ក្រុមហ៊ុន Microsoft លោក Satya Nadella បានមានប្រសាសន៍ថា ការលេងហ្គេមមានការពង្រីកច្រើនបំផុត នៅក្នុងឧស្សាហកម្មកម្សាន្ត ខណៈមនុស្សគ្រប់រូប ងាកមកលេងល្បែង ដើម្បីភ្ជាប់ទំនាក់ទំនងសង្គម និងលេងជាមួយមិត្តភក្តិរបស់ពួកគេ ៕ ដោយ៖លី ភីលីព
