តូក្យូ៖ ប្រធានគណៈកម្មាធិការ អូឡាំពិកអន្តរជាតិ លោក Thomas Bach គ្រោងនឹងធ្វើទស្សនកិច្ច នៅប្រទេសជប៉ុន នៅខែឧសភា ដើម្បីចូលរួម ពិធីប្រគល់ភ្លើងគប់អូឡាំពិក ទីក្រុងតូក្យូ និងជួបជាមួយ នាយករដ្ឋមន្រ្តីជប៉ុន Yoshihide Suga យោងតាមការចេញផ្សាយ ពីគេហទំព័រជប៉ុនធូដេ។
ប្រភពបាននិយាយថា លោក Bach នឹងចូលរួមព្រឹត្តិការណ៍ បញ្ជូនតនៅថ្ងៃទី១៧ ខែឧសភា នៅទីក្រុងហ៊ីរ៉ូស៊ីម៉ា ត្រូវបានបំផ្លិចបំផ្លាញ ដោយការទម្លាក់គ្រាប់បែក បរមាណូរបស់សហរដ្ឋអាមេរិក អំឡុងសង្គ្រាមលោកលើកទី ២ មុនពេលជួបជាមួយ លោក Suga នៅថ្ងៃបន្ទាប់ នៅទីក្រុងតូក្យូ។
លោក Bach ត្រូវបានគេរំពឹងថា នឹងបញ្ជាក់ជាថ្មីម្តងទៀត ជាមួយភាគីជប៉ុន នូវការប្តេជ្ញាចិត្ត ក្នុងការធ្វើជាម្ចាស់ផ្ទះ នៃការប្រកួតនេះប្រកបដោយ សុវត្ថិភាពចំពេលមាន ការឆ្លងរាលដាលនៃជំងឺឆ្លង។
នេះគឺជាដំណើរទស្សនកិច្ច លើកដំបូងរបស់លោក Bach ទៅកាន់ប្រទេសជប៉ុន ចាប់តាំងពីខែវិច្ឆិកាឆ្នាំមុន ហើយនឹងមកដល់ក្នុងរយៈពេល តែជាង ២ ខែប៉ុណ្ណោះ មុនពិធីបើកការប្រកួតកីឡាអូឡាំពិក ទីក្រុងតូក្យូ នៅថ្ងៃទី ២៣ ខែកក្កដា។
ប្រភពបាននិយាយថា លោក Bach ត្រូវបានគេរំពឹងថា នឹងជួបពិភាក្សាជាមួយ ប្រធានគណៈកម្មាធិការ រៀបចំការប្រកួតកីឡាអូឡាំពិក និងកីឡាប៉ារ៉ាឡាំពិក ទីក្រុងតូក្យូ លោក Seiko Hashimoto ក៏ដូចជាលោក Yuriko Koike អភិបាលទីក្រុងតូក្យូ៕ ដោយ៖លី ភីលីព
