ខ្សែប្រយុទ្ធ Fernando Torres បាននិយាយនៅក្នុងកិច្ចសម្ភាសន៍ជាមួយក្លឹប Liverpool កាលពីថ្ងៃទី០៤ ខែវិច្ឆិកា ឆ្នាំ២០២១កន្លងទៅនេះថា ខ្សែប្រយុទ្ធ Mohamed Salah ជាកីឡាករមួយរូប ស្ថិតក្នុងចំណោមកីឡាករឆ្នើមជាងគេទាំង៣រូប នៅលើពិភពលោកក្នុងពេលនេះ។
Torres បាននិយាយថា៖” ១០០% Salah គេលេងបានល្អខ្លាំងមិនមែនទើបតែនៅក្នុងរដូវកាលនេះទេ គេលេងខ្លាំងអញ្ចឹង ២ទៅ ៣រដូវកាលហើយ “។
អតីតខ្សែប្រយុទ្ធ Livepool រូបនេះបានបន្តថា៖” អ្នកតែងតែនិយាយ មើលលើកីឡាករណាខ្លាំង មិនខ្លាំងលើតែពានដែលគេឈ្នះជាមួយក្រុម ឈ្នះផ្ទាល់ខ្លួនទន្ទឹមគ្នា។ តែចំពោះខ្ញុំវិញ ខ្ញុំគិតមើលទៅ Salah គេខ្លាំង គេជាកីឡាករមួយរូប ស្ថិតក្នុងចំណោមកីឡាករឆ្នើមជាងគេទាំង៣រូប នៅលើពិភពលោកនេះ រយៈពេល ៥-៦ឆ្នាំហើយ។ គេល្អ គេលេងបានខ្លាំងឆ្នើមអញ្ចឹងបានរហូតមក “។
នៅក្នុងរដូវកាល Salah ចូលលេងបាន១៥ប្រកួតឲ្យ Liverpool ហើយរកបាន ១៤គ្រាប់៕ Source: Sabay
