តារាល្បីៗ ដែលស្អាតបំផុត ប្រចាំទសវត្សរ៍នីមួយៗ ត្រូវបានជ្រើសរើស ដោយអ្នកនិយម លេងអ៊ីនធើណេត

កូរ៉េ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា ភាពស្រស់ស្អាតគឺស្ថិតនៅក្នុង ក្រសែភ្នែករបស់អ្នកទស្សនា ហើយស្តង់ដារនៃភាពស្រស់ស្អាត ត្រូវផ្លាស់ប្តូរទៅតាមសម័យកាល យ៉ាងណាមិញមានបុគ្គលស័ក្តិសមនឹងស្តង់ដារ នៃសម្រស់ដែលមនុស្សជាច្រើន ចាត់ទុកថាស្អាតបំផុត។

នេះគឺដូចគ្នាសម្រាប់ឧស្សាហកម្មកម្សាន្ត និងភាពយន្តកូរ៉េ រយៈពេលពេញមួយទស្សវត្សន៍កន្លងមកនេះ មានតារាសម្ដែង និងតារាសម្ដែងត្រូវបានជ្រើសរើសថា ស្អាតជាងគេ។
អ្នកលេងអ៊ីនធើណេតម្នាក់ បានចាប់ផ្ដើមការពិភាក្សា​ សហគមន៍តាមអ៊ីនធើណេត ដែលអ្នកលេងអ៊ីនធើណេតអាចជ្រើសរើស តំណាងឲ្យសម្រស់ ប្រចាំទសវត្សរ៍នីមួយៗ។ ចាប់ពីឆ្នាំ ១៩៨0 ដល់ឆ្នាំ ២0២0 អ្នកនិយមលេងអ៊ីនធើណេត បានពិភាក្សាអំពីបុគ្គលដ៏ស្រស់ស្អាតបំផុត ដែលតំណាងឲ្យរៀងរាល់ទសវត្សរ៍។

យោងតាមការបង្ហោះនោះថា តារាសម្តែងស្រី នាង Hwang Shin Hye ត្រូវបានជ្រើសរើស ជាតារាស្រីដ៏ស្រស់ស្អាតបំផុត នៃទសវត្សរ៍ឆ្នាំ ១៩៨0 តារាសម្តែងនាង Kim Hee Sun ត្រូវបានជ្រើសរើស ក្នុងទសវត្សរ៍ឆ្នាំ ១៩៩0 ហើយនាង Kim Tae Hee ត្រូវបានជ្រើសរើសជាតំណាង នៃភាពស្រស់ស្អាត នៃទសវត្សរ៍ឆ្នាំ ២000៕ ដោយ៖លី ភីលីព