បរទេស ៖ តារាសម្តែងជើងចាស់ហូលីវូដ និងជាផលិតករពានរង្វាន់ Oscar លោក Brad Pitt ត្រូវបានគេប៉ាន់ប្រមាណថា មិនត្រឹមតែជាតារា ដែលមានប្រជាប្រិយភាពខ្លាំងប៉ុណ្ណោះទេ ប៉ុន្តែរូបគេក៏ជាបុគ្គលម្នាក់ ក្នុងចំណោមតារាសម្តែងប្រុស ដែលមានទ្រព្យសម្បត្តិច្រើនបំផុត ក្នុងឧស្សាហកម្មភាពយន្តពិភពលោក ។
ទស្សនាវដ្តីព័ត៌មានកម្សាន្ត Yahoo Entertainment ដោយផ្អែកលើទិន្នន័យពី Celebrity Net Worth បានធ្វើការរំលេចពីការកើនឡើង នៃទ្រព្យសម្បត្តិ ប្រភពចំណូល និងការវិនិយោគអាជីវកម្មធំៗរបស់លោកដូចខាងក្រោម ៖១. ទំហំទ្រព្យសម្បត្តិសរុប (Total Net Worth)បច្ចុប្បន្ន Brad Pitt មានទ្រព្យសម្បត្តិសរុបប្រមាណ ៤០០ លានដុល្លារអាមេរិក ។ ចំនួននេះ កើតចេញពីសមត្ថភាពចម្រុះរបស់លោក ទាំងការសម្តែង អាជីវកម្មផលិតភាពយន្ត ការវិនិយោគលើអចលនទ្រព្យ និងកិច្ចសន្យាពាណិជ្ជកម្មខ្នាតអន្តរជាតិ ។២. ប្រាក់ចំណូលពីការសម្តែង និងការវិវត្តនៃតម្លៃខ្លួនចំណុចចាប់ផ្តើម ក្នុងឆ្នាំ ១៩៩១ លោកទទួលបានតម្លៃខ្លួនដំបូងត្រឹមតែ ៦,០០០ ដុល្លារ ប៉ុណ្ណោះ ពីភាពយន្ត Thelma & Louise ។ ២. កម្រិតស្តង់ដារ បច្ចុប្បន្ន តម្លៃខ្លួនមធ្យម របស់លោក ក្នុងការសម្តែងភាពយន្តភាគច្រើនគឺចន្លោះពី ១០ លាន ទៅ ២០ លានដុល្លារ ក្នុងមួយរឿង (ដូចជា Fight Club, Mr. & Mrs. Smith, និង Once Upon a Time in Hollywood)។ កំណត់ត្រាចំណូលខ្ពស់បំផុត លោកទទួលបានតម្លៃខ្លួនជាមុន (Upfront fee) រហូតដល់ ៣៥ លានដុល្លារ សម្រាប់ភាពយន្ត Wolfs និង ៣០ លានដុល្លារ សម្រាប់ភាពយន្តប្រដេញឡាន F1 ។ ៣. ជោគជ័យផ្នែកអាជីវកម្មផលិតភាពយន្ត (Plan B Entertainment)ប្រភពចំណូលដ៏ធំបំផុតមួយរបស់លោកបានមកពីការបង្កើត និងគ្រប់គ្រងក្រុមហ៊ុនផលិតភាពយន្ត Plan B Entertainment។ ក្រុមហ៊ុននេះបានផលិតភាពយន្តឈ្នះពានរង្វាន់ Oscar ជាច្រើន រួមមាន 12 Years a Slave, The Departed, និង Moonlight ។ ទ្រព្យសម្បត្តិរបស់លោក បានកើនឡើងយ៉ាងខ្លាំង បន្ទាប់ពីលោកបានលក់ភាគហ៊ុនភាគច្រើន (Majority Stake) នៃក្រុមហ៊ុននេះឱ្យទៅក្រុមហ៊ុនបារាំង Mediawan ក្នុងទំហំទឹកប្រាក់រាប់រយលានដុល្លារ ។ ៤. ការវិនិយោគលើអចលនទ្រព្យ និងអាជីវកម្មផ្សេងៗ ចម្ការទំពាំងបាយជូរ Château Miraval លោកនៅតែមានជម្លោះផ្លូវច្បាប់ ជាមួយអតីតភរិយា Angelina Jolie ជុំវិញចម្ការទំពាំងបាយជូរ និងរោងចក្រផលិតស្រាវ៉ាញ Château Miraval នៅប្រទេសបារាំង ដែលមានតម្លៃសរុបជាង ៥០០ លានដុល្លារ។
អចលនទ្រព្យទ្រង់ទ្រាយធំ លើភូមិគ្រឹះ និងដីធ្លីតម្លៃថ្លៃៗ ជាច្រើនកន្លែងនៅ Los Angeles, Carmel (California), Beverly Hills និងនៅតំបន់អឺរ៉ុប។៥. កិច្ចសន្យាផ្សព្វផ្សាយពាណិជ្ជកម្ម (Endorsements)ក្រៅពីវិស័យភាពយន្ត លោកក៏ទទួលបានប្រាក់ចំណូល រាប់សិបលានដុល្លារបន្ថែមទៀត តាមរយៈកិច្ចសន្យាជាតំណាងម៉ាកយីហោល្បីៗលើពិភពលោក រួមមាន Chanel (ធ្លាប់ទទួលបាន ៧ លានដុល្លារសម្រាប់យុទ្ធនាការ Chanel No. 5), ម៉ាកសម្លៀកបំពាក់ Brioni, ម៉ាស៊ីនឆុងកាហ្វេ De’Longhi, និងក្រុមហ៊ុនរថយន្ត Honda ជាដើម។
ប្រែសម្រួល៖ គីរី
