អង់គ្លេស៖ យោងតាមការចេញផ្សាយពីគេហទំព័រស្គាយញ៉ូវ បានប្រាប់ឲ្យដឹងថា អ្នកវិទ្យាសាស្ត្របានរកឃើញភស្តុតាង នៃរុក្ខជាតិ អតិសុខុមប្រាណ និងសត្វក្នុងចំណោមពួកវាដូចជាសត្វកណ្តុរប្រមេះ រមាំង ទន្សាយស្លឹក និងសត្វដំរីកយក្ស (ថនិកសត្វសម័យទឹកកក មិនមែនជាវេទិកា ប្រព័ន្ធផ្សព្វផ្សាយសង្គម)។
អ្នកវិទ្យាសាស្ត្របាននិយាយថា ការរកឃើញ DNA ចំណាស់ជាងគេបំផុតរបស់ពិភពលោក ដែលមានអាយុកាលជាង ២ លានឆ្នាំ អាចបង្ហាញពីវិធីទប់ទល់ នឹងការឡើងកម្ដៅផែនដី។ ដោយបើកនូវអ្វីដែលត្រូវបានគេសាទរថា ជាការផ្លាស់ប្តូរជំពូកថ្មី ក្នុងប្រវត្តិសាស្រ្តនៃការវិវត្តន៍ បំណែកមីក្រូទស្សន៍ត្រូវបានរកឃើញកប់យ៉ាងជ្រៅ ក្នុងដីល្បាប់បានបង្កើតឡើងជាង ២០,០០០ឆ្នាំនៅភាគខាងជើង Greenland ។
វាបានធ្វើឲ្យ DNA រស់រានមានជីវិត ទោះបីជាមានការប្រែប្រួល អាកាសធាតុខ្លាំងក៏ដោយ ហើយបានបំបែកកំណត់ត្រាមុន ដែលយកពីឆ្អឹងសត្វដំរិយក្សស៊ីបេរី ក្នុងរយៈពេលមួយលានឆ្នាំ។ សំណាកទើបរកឃើញថ្មីមិនពេញលេញ និងមានប្រវែងរាប់លានមិល្លីម៉ែត្រ កើតចេញពីសម័យកាល ដែលអាកាសធាតុរបស់ Greenland ប្រែប្រួលរវាងតំបន់អាក់ទិក និងសីតុណ្ហភាព ហើយក្តៅជាងថ្ងៃនេះ ១០-១៧ អង្សាសេ។
ពួកគេត្រូវបានគេរកឃើញនៅ Kobenhavn Formation ជាដីល្បាប់ដែលមានកម្រាស់ជិត ១០០ ម៉ែត្រ ហើយជាប់មាត់ទន្លេ Fjord ក្នុងមហាសមុទ្រអាកទិក។ អ្នកវិទ្យាសាស្ត្របានរកឃើញភ័ស្តុតាងនៃរុក្ខជាតិ មីក្រូសរីរាង្គ និងសត្វរួមទាំងសត្វល្មូន សត្វរមាំង ទន្សាយ និងម៉ាស្តូដុនដូចដំរី។
សាស្ត្រាចារ្យ Eske Willerslev ដឹកនាំក្រុមបាននិយាយថា DNA អាចបង្ខូចបានយ៉ាងឆាប់រហ័ស ប៉ុន្តែយើងបានបង្ហាញថា នៅក្រោមកាលៈទេសៈត្រឹមត្រូវ ឥឡូវនេះយើងអាចត្រលប់ ទៅពេលវេលាវិញបានច្រើនជាងអ្វី ដែលគ្រប់គ្នាអាចស្រមៃ៕ ដោយ៖លី ភីលីព
