សុខភាព និង ផ្លូវភេទ

អ្នកវិទ្យាសាស្ត្រ៖ ពូជធន់នឹងអង់ទីប៊ីយ៉ូទិកខ្ពស់ នៃ MRSA កើតក្នុងជ្រូក អាចលោតមកយមមនុស្ស

អង់គ្លេស៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា អ្នកវិទ្យាសាស្ត្រ មានការព្រួយបារម្ភ កាន់តែខ្លាំងឡើង អំពីភាពធន់នឹងថ្នាំអង់ទីប៊ីយោទិច ក្នុងប៉ុន្មានឆ្នាំថ្មីៗនេះ ហើយអ្នកជំនាញកាលពីឆ្នាំមុន បានព្រមានអំពីជំងឺរាតត្បាត លាក់កំបាំង បន្ទាប់ពីវិបត្តិ COVID-19 ។

ក្រុមអ្នកវិទ្យាសាស្ត្របាននិយាយថា ពូជដែលធន់នឹងថ្នាំអង់ទីប៊ីយោទិចខ្ពស់ នៃ MRSAកើតឡើង នៅក្នុងជ្រូកដោយសារការអនុវត្តកសិកម្ម អាចលោតដល់មនុស្ស។ មេរោគនេះបានក្លាយជាប្រភេទ MRSA ដ៏លេចធ្លោក្នុងចំណោមបសុសត្វ នៅអឺរ៉ុប រយៈពេល ៥០ ឆ្នាំចុងក្រោយនេះ ប៉ុន្តែឥឡូវនេះជាមូលហេតុ កើនឡើងនៃជំងឺ MRSA ចំពោះមនុស្ស។

អ្នកវិទ្យាសាស្ត្រមានការព្រួយបារម្ភ កាន់តែខ្លាំងឡើង អំពីភាពធន់នឹងថ្នាំអង់ទីប៊ីយោទិច ក្នុងប៉ុន្មានឆ្នាំថ្មីៗនេះ ហើយអ្នកជំនាញកាលពីឆ្នាំមុន បានព្រមានអំពីជំងឺរាតត្បាត លាក់កំបាំងបន្ទាប់ពីវិបត្តិ COVID-19 ។ ការសិក្សាថ្មីមួយបានរកឃើញថា ពូជ CC398 បានរក្សាភាពធន់ នឹងថ្នាំអង់ទីប៊ីយោទិចរបស់ខ្លួនអស់ជាច្រើន ទសវត្សរ៍មកហើយនៅក្នុងជ្រូក និងបសុសត្វដទៃទៀត ហើយមានសមត្ថភាពសម្របខ្លួន បានយ៉ាងឆាប់រហ័ស ទៅនឹងម៉ាស៊ីនរបស់មនុស្ស ខណៈរក្សាបាននូវភាពធន់នោះ។

លោកវេជ្ជបណ្ឌិត Gemma Murray អ្នកដឹកនាំការស្រាវជ្រាវ បានចេញផ្សាយលើ eLife បាននិយាយថា កម្រិតខ្ពស់ជាប្រវត្តិសាស្ត្រ នៃការប្រើប្រាស់ថ្នាំអង់ទីប៊ីយោទិច (កសិដ្ឋានចិញ្ចឹមជ្រូក) ប្រហែលជាបាននាំឲ្យមានការវិវត្តន៍នៃប្រភេទ MRSA ដែលធន់នឹងអង់ទីប៊ីយ៉ូទិកខ្ពស់។ លទ្ធផលបានបង្ហាញពីការគំរាមកំហែង ដ៏មានសក្តានុពលដែលមេរោគ MRSA នេះបង្កដល់សុខភាពសាធារណៈ។

វាត្រូវបានផ្សារភ្ជាប់ជាមួយនឹងការកើនឡើង នៃចំនួននៃការឆ្លងរបស់មនុស្ស ចំពោះអ្នកដែលមាន និងមិនមានទំនាក់ទំនងផ្ទាល់ ជាមួយបសុសត្វ។ ការប្រើប្រាស់ថ្នាំអង់ទីប៊ីយោទិច នៅក្នុងបសុសត្វអ៊ឺរ៉ុប គឺទាបជាងកាលពីមុន ប៉ុន្តែអ្នកស្រាវជ្រាវជឿថា ការកាត់បន្ថយនាពេលថ្មីៗនេះ ទំនងជាមានផលប៉ះពាល់តិចតួច លើវត្តមានរបស់ MRSA នេះនៅក្នុងជ្រូកព្រោះវាមានស្ថេរភាពខ្លាំង៕ ដោយ៖លី ភីលីព

Most Popular

To Top