បរទេស៖ លោក Christophe Bechu រដ្ឋមន្ត្រីក្រសួងផ្លាស់ប្តូរប្រព័ន្ធអេកូឡូស៊ី របស់ប្រទេសបារាំង បាននិយាយនៅថ្ងៃសៅរ៍ថា ការដំឡើងពន្ធ លើយន្តហោះឯកជននឹងក្លាយជាការបង្ហាញនៃ “សុភវិនិច្ឆ័យ” ។ ការកត់សម្គាល់របស់លោក បានកើតឡើងមួយថ្ងៃបន្ទាប់ពីសមាជិកសភា មកពីគណបក្ស Renaissance ភាគច្រើន បានធ្វើវិសោធនកម្មលើថវិកាដែលស្នើ ឱ្យតម្រឹមការយកពន្ធលើយន្តហោះឯកជន ជាមួយនឹងប្រេងសាំង ដែលប្រើប្រាស់ដោយរថយន្ត។
យោងតាមសារព័ត៌មាន RT ចេញផ្សាយនៅថ្ងៃទី៨ ខែតុលា ឆ្នាំ២០២២ បានឱ្យដឹងថា នៅក្នុងបទសម្ភាសន៍ជាមួយ សារព័ត៌មាន FranceInfo លោក Bechu បាននិយាយថា ចេតនារបស់គណបក្សភាគច្រើនគឺជា “រឿងល្អ” ព្រោះថា “ការយកពន្ធកាន់តែច្រើន លើអ្វីដែលបំពុលកាន់តែច្រើន គឺជាគោលការណ៍នៃសុភវិនិច្ឆ័យ” ។
លោករដ្ឋមន្ត្រីបានថ្លែងថា «ខ្ញុំរីករាយចំពោះវិសោធនកម្មនេះ ដែលរដ្ឋាភិបាលគាំទ្រ។
ប្រេងកាតដែលប្រើប្រាស់ដោយយន្តហោះឯកជន ត្រូវបានទទួលរងនូវការតម្លើងពន្ធ “ទីផ្សារពិសេស” ដែលដូចដែលរដ្ឋមន្ត្រីដឹកជញ្ជូន Clement Beaune បានពន្យល់កាលពីថ្ងៃសុក្រ បាននាំឱ្យមានស្ថានភាពផ្ទុយគ្នាដែល “យន្តហោះឯកជនឥឡូវនេះត្រូវបានបង់ពន្ធតិចជាងរថយន្ត ក៏ដូចជាតិចជាងយន្តហោះដឹកអ្នកដំណើរ មកពីក្លឹបហោះហើរតូចៗ។ ដូច្នេះ ការដំឡើងពន្ធលើប្រេងសម្រាប់យន្តហោះឯកជននឹងបម្រើជា “ទង្វើរក្សាតុល្យភាពឡើងវិញ” ហើយនឹងជា “រឿងល្អ”, នេះបើតាមអ្វីដែលលោក Beaune បានសន្និដ្ឋាន៕ ប្រែសម្រួល៖ ណៃ តុលា
