អាមេរិក៖ អតីតតំណាងរាស្រ្ត Peter Meijer មកពីរដ្ឋ Michigan Republican បានចោទសួរថា តើវត្ថុដែលត្រូវបានបាញ់ទម្លាក់ពីលើរដ្ឋ Alaska កាលពីថ្ងៃសុក្រ អាចជាវត្ថុហោះមិនស្គាល់អត្តសញ្ញាណ (UFO) ឬយ៉ាងណា ខណៈមន្ត្រីមន្ទីរប៉ង់តាហ្គោន រក្សាភាពស្ងៀមស្ងាត់ជុំវិញ ការគំរាមកំហែងនោះយោងតាមការចេញផ្សាយពីគេហទំព័រ MSN។
លោក Meijer ជាតំណាងឲ្យមណ្ឌលសភាទី ៣ របស់រដ្ឋ Michigan រហូតដល់ថ្មីៗនេះ បានសរសេរនៅលើ Twitter កាលពីថ្ងៃសុក្រថា ពិតជាសង្ឃឹមថា វត្ថុមិនស្គាល់អត្តសញ្ញាណនេះ គឺជាបាឡុងចារកម្មមួយផ្សេងទៀត និងមិនមែនជា UFO ស្របច្បាប់។ អតីតសមាជិកសភារូបនេះ បានបន្ថែមថា ភាពគួរឲ្យអស់សំណើចនៃការបំភាន់ យានអវកាសក្រៅភពសម្រាប់បាឡុងអាកាសធាតុនឹងអស្ចារ្យ ប៉ុន្តែមិនមានតម្លៃចាប់ផ្តើមជម្លោះរវាងផ្កាយទេ។
ការកត់សម្គាល់របស់លោកបានកើតឡើងភ្លាមៗ បន្ទាប់ពីអ្នកសម្របសម្រួលក្រុមប្រឹក្សា សន្តិសុខជាតិសម្រាប់ទំនាក់ទំនងយុទ្ធសាស្ត្រលោក John Kirby បានបញ្ជាក់ថា វត្ថុមិនស្គាល់អត្តសញ្ញាណមួយត្រូវបានបាញ់ ទម្លាក់នៅភាគឦសាននៃរដ្ឋ Alaska កាលពីព្រឹកថ្ងៃសុក្រ បន្ទាប់ពីក្រសួងការពារជាតិ (DOD) បានដឹងអំពីវត្ថុកាលពីយប់ថ្ងៃព្រហស្បតិ៍៕
ដោយ៖លី ភីលីព
