កូរ៉េខាងត្បូង ៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា តារាសម្តែងតៃវ៉ាន់ ដ៏ល្បីល្បាញ អ្នកនាង Barbie Hsu រួមជាមួយនឹងស្វាមីទី២ របស់នាង លោក DJ Koo និងកូន ២ នាក់របស់នាង កាលពីមុនរៀបការបានធ្វើដំណើរ ទៅកាន់ប្រទេសកូរ៉េខាងត្បូង ដើម្បីសួរសុខទុក្ខម្តាយរបស់លោក DJ Koo ។
Sohu រាយការណ៍ថា គ្រួសាររបស់អ្នកនាងបែរជាមកស្នាក់នៅ ក្នុងសណ្ឋាគារលំដាប់ផ្កាយប្រាំ ដ៏ប្រណិតមួយ តម្លៃ ៣០០ ដុល្លារ ក្នុងមួយយប់ស្ថិតនៅសង្កាត់ ដ៏ទំនើបមួយនៅ ទីក្រុងសេអ៊ូល ដោយមិនទៅស្នាក់នៅក្នុងផ្ទះវីឡា គ្រួសាររបស់លោក DJ Koo ។
ជម្រើសសម្រាប់អ្នកនាង Hsu និង កូនរបស់អ្នកនាង ស្នាក់នៅក្នុងសណ្ឋាគារជាជាងនៅផ្ទះគ្រួសាររបស់លោក DJ Koo បាននាំឲ្យមានការពិភាក្សាផ្សេងៗ នៅលើប្រព័ន្ធផ្សព្វផ្សាយសង្គម។ អ្នកនិយមលេងអ៊ីនធើណេតមួយចំនួនស្មានថា តារាស្រីរូបនេះចង់នៅឆ្ងាយពីក្មេកខ្លះ ខណៈខ្លះទៀតគិតថា ការស្នាក់នៅផ្ទះគ្រួសាររបស់លោក DJ Koo ប្រហែលជាមិនផ្តល់ភាពសុខស្រួលសម្រាប់អ្នកនាង Hsu និងកូនៗរបស់អ្នកនាង ទេ។
តារាសម្ដែងតៃវ៉ាន់ Hsu វ័យ ៤៨ ឆ្នាំ ត្រូវបានគេកត់សម្គាល់សម្រាប់ទម្រង់ ប្រព័ន្ធផ្សព្វផ្សាយតិចតួចណាស់របស់តារាសម្ដែងតៃវ៉ាន់ ទោះបីជានាងមានកេរ្តិ៍ឈ្មោះល្បីល្បាញ ពីរឿងភាគទូរទស្សន៍ដូចជា “Meteor Garden”, “Mars” និង “Summer’s Desire” ក៏ដោយ។
អ្នកនាងបានរៀបការជាមួយលោក DJ Koo អាយុ ៥៥ ឆ្នាំក្នុងឆ្នាំ ២០២២ ត្រឹមតែ ៣ ខែប៉ុណ្ណោះបន្ទាប់ពីលែងលះជាមួយប្តីដំបូងរបស់នាង គឺអ្នកជំនួញជនជាតិចិន Wang Xiaofei ៕
