បរទេស៖យោងតាមការចេញផ្សាយរបស់ RT ដែលបានដកស្រង់ ចេញពីទីភ្នាក់ងារសារព័ត៌មាន Yonhap បានរាយការណ៍ថា តុលាការកូរ៉េខាងត្បូង បានកាត់ទោសអតីត ប្រធានាធិបតី Yoon Suk Yeol ឱ្យជាប់ពន្ធនាគាររយៈ ពេល៣០ឆ្នាំ។
ចៅក្រមតាមសេចក្តីរាយការណ៍បានរកឃើញថា លោកបានបញ្ជាឱ្យបញ្ជូន យន្តហោះគ្មានមនុស្ស បើកចូលទៅក្នុងប្រទេសកូរ៉េខាងជើង ដើម្បីបង្កភាពតានតឹង និងបង្កើតលេសសម្រាប់ការប្រកាស ច្បាប់អាជ្ញាសឹកថ្មីរបស់គាត់។
លោកYoon បានប្រកាសច្បាប់អាជ្ញាសឹកនៅខែធ្នូ ឆ្នាំ២០២៤ ដោយលើកឡើងពីការចាក់សោរផ្នែកនីតិបញ្ញត្តិ និងអ្វីដែលគាត់បានពិពណ៌នាថាជាផែនការដោយកងកម្លាំងគាំទ្រទីក្រុងព្យុងយ៉ាងនៅក្នុងការបង្កើតនយោបាយកូរ៉េខាងត្បូង។
សភារបស់ប្រទេសបានលុបចោល ក្រឹត្យនេះជាផ្លូវការក្នុងរយៈពេលប៉ុន្មានម៉ោង បើទោះបីជាមានការព្យាយាម ពីសំណាក់ប៉ូលិសនិងទាហានដើម្បីបញ្ឈប់សមាជិកសភា មិនឱ្យចូលទៅកាន់អគាររដ្ឋសភាក៏ដោយ។
រំលឹកទៀតដែរថាលោកYoon ត្រូវបានចោទប្រកាន់ត្រឹមតែមួយ សប្តាហ៍ក្រោយមក ត្រូវបានព្យួរពីតំណែង និងត្រូវបានដកចេញពីអំណាច ជាផ្លូវការដោយតុលាការ ធម្មនុញ្ញជាច្រើនខែក្រោយមក៕
ប្រែសម្រួល៖ស៊ុនលី
