តូក្យូ៖នេះបើយោងតាមអគ្គលេខាធិការ នៃគណៈកម្មាធិការអូឡាំពិករបស់ប្រទេសនេះ បានប្រាប់កាសែតមួយ ដែលមានមូលដ្ឋាននៅទីក្រុងតូក្យូ ឲ្យដឹងថា ប្រទេសកូរ៉េខាងជើងត្រៀមនឹងបញ្ជូនអត្តពលិកប្រហែល ១០០នាក់ ទៅចូលរួមព្រឹត្តិការណ៍ការប្រកួតកីឡាអាស៊ី លើកទី២០ “Asian Games” នៅប្រទេសជប៉ុន ដែលនឹងប្រពឹត្តចាប់ពីថ្ងៃទី ១៩ ខែកញ្ញា ដល់ថ្ងៃទី ៤ ខែតុលា ឆ្នាំ២០២៦ យោងតាមការចេញផ្សាយពីគេហទំព័រ Japan Today ។
ទំនាក់ទំនងជាមួយប្រទេសជប៉ុន តែងតែមានភាពតានតឹង ហើយប្រទេសកូរ៉េខាងជើងបានសម្រេចចិត្ត មិនបញ្ជូនក្រុមទៅចូលរួមព្រឹត្តិការណ៍កីឡាអូឡាំពិករដូវក្តៅទីក្រុងតូក្យូឆ្នាំ ២០២១ “Tokyo Summer Olympics ២០១១” ដោយលើកឡើងពីវិបត្តិសុខភាពពិភពលោក។
ទំហំក្រុមមានការថយចុះជាងគណៈប្រតិភូអត្តពលិក ១៨៥នាក់ លើកីឡាចំនួន ១៨ប្រភេទ ដែលបានប្រកួតប្រជែងនៅព្រឹត្តិការណ៍កីឡាអាស៊ីចុងក្រោយនៅទីក្រុងហាំងចូវ ឆ្នាំ ២០២៣ ដោយដណ្តើមបានមេដាយមាស ១១មេដាយប្រាក់ ១៨មេដាយ និងមេដាយសំរិទ្ធ ១០មេដាយពីប្រទេសចិន។
យោងតាមប្រព័ន្ធផ្សព្វផ្សាយកូរ៉េ លោក Ko Chol Ho បានប្រាប់កាសែត Choson Sinbo ថា លោកសង្ឃឹមថាក្រុមតូចជាងនេះនឹងឈ្នះមេដាយច្រើនជាង ៣ ឆ្នាំមុន។ ទីក្រុងព្យុងយ៉ាងបានកំណត់ការចូលរួមកីឡានៅក្រៅប្រទេសយ៉ាងខ្លាំងសម្រាប់អត្តពលិករបស់ខ្លួនក្នុងអំឡុងពេលមានជំងឺរាតត្បាត ហើយជាលទ្ធផល កូរ៉េខាងជើងក៏មិនត្រូវបានតំណាងនៅក្នុងព្រឹត្តិការណ៍អូឡាំពិករដូវរងាឆ្នាំ ២០២២ និង ២០២៦ ដែរ។
អត្តពលិកជាង ១១.០០០ នាក់មកពី ៤៥ ប្រទេសត្រូវបានគេរំពឹងថានឹងចូលរួមក្នុងព្រឹត្តិការណ៍កីឡាអាស៊ីលើកទី ២០ នៅទីក្រុងណាហ្គោយ៉ា និងទីក្រុងដទៃទៀតក្នុងខេត្តអៃឈីរបស់ប្រទេសជប៉ុនចាប់ពីថ្ងៃទី ១៩ ខែកញ្ញា ដល់ថ្ងៃទី ៤ ខែតុលា៕
