អតីតគ្រូបង្វឹក របស់ក្លឹបបិសាចក្រហម Man UTD, តោខៀវ Chelsea និងមាន់ខ្នាយមាស Spurs លោក Jose Mourinho នៅសប្តាហ៍នេះ បានធ្វើការអះអាង កំណត់ត្រារបស់លោក នៅក្នុងប្រទេសអង់គ្លេស នៅតែជាប់កំណត់ត្រា ដដែលទោះបីជាកន្លងមកតែងតែ មានពាក្យរិះគន់ជាច្រើនក្តី។
និយាយក្នុងនាមជាគ្រូបង្វឹក របស់ក្លឹបអ៊ីតាលី Roma នៅពេលនេះលោកបានពន្យល់ អំពីភាពខុសគ្នា នៃបរាជ័យនិងជោគជ័យ ហើយជាពិសេស គឺបានការពារទៅនឹងកំណត់ត្រា របស់ខ្លួនពេលមានវត្តមាន នៅក្នុងប្រទេសអង់គ្លេស និងចំនួនពានរង្វាន់ ដែលលោកធ្លាប់លើកផងដែរ ។
គួរឲ្យដឹងដែរថា គ្រូបង្វឹកសញ្ជាតិប៉ទុយហ្គាល់រូបនេះ ត្រូវបានបណ្តេញចេញដោយក្លឹប Spurs កាលពីមុនពេលដែលក្លឹប ត្រូវប្រកួតផ្តាច់ព្រ័ត្រពានរង្វាន់ League Cup ចាញ់ទៅលើ ក្រុម Man City ហើយលោកក៏ធ្លាប់ត្រូវបាន បណ្តេញចេញដោយក្លឹប Chelsea និង Man UTD នៅមុនពេលនោះផងដែរ៕
ប្រែសម្រួល៖ស៊ុនលី
