ក្រោយពី PSG ប្រកាសវត្ដមាន Lionel Messi នឹងពាក់អាវលេខ៣០មក ការលក់អាវរបស់ក្លឹបនេះ នៅតាម Store នានាដាច់គ្មានសល់នោះទេ។ ដោយត្រឹម៣០នាទីប៉ុណ្ណោះ គ្រប់កន្លែងលក់អស់តែម្ដង ។
អ្នកគាំទ្រដែលចង់ បានត្រូវអង្គុយរង់ចាំនៅមុខហាង ដើម្បីចាប់លេខបានមុនចូលទិញ ។ ខណៈដែលខ្លះទៀតត្រូវរង់ចាំច្រើនថ្ងៃទៀត ទើបទទួលបានអាវដែលខ្លួនបានកុម្ម៉ង់ទុក ដែលមានអក្សរ Messi ជាមួយស្លាកលេខ៣០។ ការលក់ដាច់ខ្លាំងនេះ បានធ្វើឱ្យមតិជាច្រើនយល់ឃើញថា ក្លឹប PSG នឹងកើបលុយរាប់រយលានដុល្លារមិនខាន ។
ជាក់ស្ដែងមិនដូចអ្វីដែលគ្រប់គ្នាគិតនោះទេ។ PSG បានចុះកុងត្រាជាមួយ Nike ដើម្បីគ្រប់គ្រងនិងផលិត អាវរបស់ពួកគេ ។ ដោយ Nike ផ្ដល់ប្រាក់ជាកុងត្រារៀងរាល់ឆ្នាំទៅ PSG ហើយរូបគេជាអ្នករាប់រងរឿងលក់អាវ និងរចនាម៉ូដអាវ ។ ចំណេញឬខាត Nike ជាអ្នកទទួលខុសត្រូវ ដោយ PSG ចាំតែទទួលលុយកុងត្រារាល់ឆ្នាំប៉ុណ្ណោះ។ ពួកគេបានដែរ ដោយមានភាគរយតិចតួចបំផុត ពីក្រុមហ៊ុន Nike ។
ជាការលើកឧទាហរណ៍ Adidas ចុះកុងត្រាជាមួយ Man Utd កាលពីឆ្នាំ២០១៤ ក្នុងតម្លៃ៧៥០លានផោន ក្នុងត្រា១០ឆ្នាំ ។ ដោយរយៈពេល១០ឆ្នាំនេះ Adidas ដាក់គោលដៅប្រមូលលុយពីការលក់អាវ Man Utd ឱ្យបាន ១,៥ពាន់លានផោនវិញ ។ ស្របពេល Pogba និង Zlatan មករួមក្រុម អត្រាលក់អាវរបស់ Man Utd ដាច់ខ្លាំងមែនទែន រហូតដល់ Adidas រកបានច្រើនត្រឹមពេលតែ៦ខែ គឺច្រើនជាង Man Utd រកតាំងពីបង្កើត ក្លឹបមកទៀត។
ដោយការលក់អាវ១ Adidas យក៨៥ទៅ៩០% ហើយ Man Utd វិញ ទទួលបានតែ១០ទៅ១៥%ប៉ុណ្ណោះ។ ហើយចំណែកនោះ ទាល់តែលក់បានចាប់ពី១លានអាវទៅថែមទៀត ទើប Man Utd បានចំណែក។ ដូចឆ្នាំ២០១៨ Man Utd លក់អាវដាច់ ៣,២៥លានអាវ ហើយ១អាវមានតម្លៃ៦០ផោន។ ចំណែក Man Utd បានឆ្នាំនោះ តែ ២,២៥លានអាវទេ ហើយ១អាវបានលុយ៦ផោនគត់។ ឬអាចនិយាយបានថាឆ្នាំ២០១៨ Man Utd បានចំណូលពីការលក់អាវ ១៣,៥លានផោន។
ងាកមកខាង PSG វិញក៏មិនខុសគ្នាដែរ។ Nike ជាអ្នករាប់រងលក់និងផលិតអាវឱ្យ PSG ។ ដោយអាវ៨សែនអាវ ដែលលក់អាចកន្លងទៅនេះ គឺ PSG មិនទទួលបានប្រាក់ឡើយ ព្រោះមិនទាន់ដល់លក្ខខណ្ឌ១លានអាវនៅឡើយ ដើម្បីឱ្យបានភាគរយ១០ទៅ១៥% ។ ដូច្នេះបើចង់បានប្រាក់ ៥០លានផោនដើម្បីរួចតម្លៃពលកម្ម Messi នោះ ពួកគេទាមទារឱ្យលក់អាវ ឱ្យបាន៨លានអាវដែរហើយ ៕
