តូក្យូ ៖ អភិបាលក្រុង បាននិយាយ កាលពីថ្ងៃចន្ទថា ទីក្រុង Sapporo ដេញថ្លៃកីឡា អូឡាំពិក រដូវរងាបានកាត់ បន្ថយការចំណាយ តាមការព្យាករណ៍របស់ខ្លួន សម្រាប់ការធ្វើជា ម្ចាស់ផ្ទះកីឡា ឆ្នាំ ២៣ ប្រហែលមួយភាគបួន ឬស្មើនឹង ៧៩៥លានដុល្លារអាមេរិក យោងតាមការចេញផ្សាយ ពីគេហទំព័រជប៉ុនធូដេ ។
ទីក្រុងភាគខាងជើង របស់ប្រទេស ជប៉ុន ត្រូវបានគេចាត់ទុកថា ជាអ្នកនាំមុខគេ ក្នុងការធ្វើជា ម្ចាស់ផ្ទះកីឡានោះ បានធ្វើការផ្លាស់ប្តូរ ចំពេលមានការ ភ័យខ្លាច នៃការប្រតិកម្មជាសាធារណៈ បន្ទាប់ពីតម្លៃប៉េងប៉ោង នៃព្រឹត្តិការណ៍កីឡាអូឡាំពិក រដូវក្តៅនៅទីក្រុងតូក្យូនេះ ។ មន្ត្រីដេញថ្លៃ របស់ Sapporo បានកាត់បន្ថយចំនួនកន្លែងប្រកួត ហើយឥឡូវនេះបានកំណត់ការចំណាយ ប៉ាន់ស្មានចន្លោះពី ២៨០ ពាន់លានយ៉េនដល់ ៣០០ ពាន់លានយ៉េន សម្រាប់ការប្រកួតឆ្នាំ ២០៣០ ។
ថវិកាចុងក្រោយសម្រាប់ ការប្រកួតកីឡាតូក្យូ ត្រូវបានពន្យារពេលដោយជំងឺ រាតត្បាត បានកើនឡើងដល់យ៉ាងហោច ណាស់ ១,៦៤ ពាន់ពាន់ លានយ៉េន ជាមួយនឹងការប៉ាន់ស្មាន មួយចំនួន បង្ហាញថា តម្លៃពិតប្រាកដ គឺខ្ពស់ជាងយ៉ាងខ្លាំង ។ អភិបាលក្រុង Sapporo លោក Katsuhiro Akimoto បានប្រាប់អ្នកយកព័ត៌មានថា ទំហំនៃកីឡាអូឡាំពិករដូវក្តៅ និងរដូវរងា គឺខុសគ្នាទាំងស្រុង ។
ការចំណាយគឺតិចជាងមួយភាគបី (ការប្រកួតរដូវក្តៅ) ហើយវាមានសារសំខាន់ក្នុងការ ទទួលបានសារនោះ។ Sapporo ធ្វើជាម្ចាស់ផ្ទះកីឡាអូឡាំពិក រដូវរងាក្នុងឆ្នាំ ១៩៧២ ហើយក៏បានរៀបចំព្រឹត្តិការណ៍រត់ម៉ារ៉ាតុង និងការរត់ប្រណាំង សម្រាប់ព្រឹត្តិការណ៍ Tokyo Games ឆ្នាំនេះ ក្នុងកិច្ចខិតខំប្រឹងប្រែង ដើម្បីយកឈ្នះកម្ដៅរដូវក្តៅដ៏ក្តៅ គគុករបស់រដ្ឋធានី ៕ដោយ៖លី ភីលីព
