យោងតាមពាក្យចចាមអារ៉ាមមួយចំនួនដែលចុះផ្សាយដោយសារព័ត៌មានអេស្ប៉ាញធំៗបានឲ្យដឹងថា Messi បានប្រាប់ Barcelona ថាចង់ត្រលប់មកក្លឹបចាស់កាលពីសប្ដាហ៍មុន។ ទោះជាយ៉ាងណា រហូតមកទល់ពេលនេះ Messi មិនទាន់ទទួលបានភាពច្បាស់លាស់អ្វីទាំងពីសំណាក់ Barca រឿងចង់យកខ្លួនទៅលេងនៅក្លឹបវិញ។ ដូច្នេះហើយ ទើបបានជា Messi សម្រេចថាមិនត្រលប់ទៅ Barcelona វិញតែម្ដង។
ទាំងក្លឹប Barcelona និងគ្រូបង្វឹក Xavi តែងតែនិយាយជាសាធារណៈថា ចង់បាន Messi វិលត្រលប់មកវិញ។ Messi នឹងចប់កុងត្រាជាមួយ PSG នៅបំណាច់ខែមិថុនានេះ។
Lionel Messi គឺជាវីរបុរសរបស់ក្លឹប Barca លេងឲ្យក្លឹបពីនៅថ្នាលយុវជន រហូតដល់ឈុតធំ ហើយជួយក្លឹបឈ្នះពានធំៗជាច្រើន។ យ៉ាងនេះក្ដី បញ្ហាហិរញ្ញវត្ថុក្លឹប បានបង្ខំភាគីក្លឹប និង Messi ចែកផ្លូវគ្នាកាលពី ២ ឆ្នាំមុន ហើយ Messi ក៏បានចូលរួមជាមួយ PSG នៅពេលនោះ៕
