The Goal ចេញផ្សាយនៅថ្ងៃនេះ បានឲ្យដឹងថា អតីតកីឡាករឆ្នើមរបស់ក្លឹប Chelsea និងក្លឹប Real Madrid កីឡាករ Eden Hazard នៅតែសម្រេចចិត្តថា នឹងចូលនិវត្តហើយពីបាល់ទាត់អាជីព។
The Goal បានសរសេរទៀតថា ទោះបីជាបានទទួលកុងត្រា ដែលបានផ្តល់ដោយក្លឹប នៅលីគកំពូលអារ៉ាប៊ីសាអូឌីត ក្តីដែលមានតម្លៃដល់ទៅ១លានផោន ក្នុងមួយសប្តាហ៍ ប៉ុន្តែវាមិនបានធ្វើឲ្យការសម្រេចចិត្ត របស់គាត់ប្រែប្រួលនោះដែរ។
អស់រយៈពេល១៦ឆ្នាំ បន្ទាប់ពីបានប្រកបអាជីព ជាកីឡាករបាល់ទាត់ ហើយនោះកីឡាករប៊ែលហ្ស៊ិករូបនេះ បានសម្រេចចិត្តកាលពីខែមុនហើយថា គាត់នឹងចូលនិវត្ត ។ ចុងក្រោយនេះគាត់បាន ចំណាយពេលដល់ទៅ ៤ឆ្នាំជាមួយនឹងក្លឹប Real Madrid ហើយបានបង្ហាញខ្លួន ត្រឹមតែ៧៦ដងប៉ុណ្ណោះ ដោយបានបន្តព្យាបាលរបួសរហូតមក ៕
ប្រែសម្រួល៖ស៊ុនលី
