យោងតាមការចេញផ្សាយ របស់ The Goal បានឲ្យដឹងថាក្លឹប RB Leipzig បានបង្ហាញអំពីការ បើកផ្លូវឲ្យកីឡាករ Timo Werner ដើម្បីចាកចេញនៅខែមករានេះហើយ ទំនងជាលីគអង់គ្លេស គឺជាគោលដៅរបស់កីឡាករ។
អតីតកីឡាករ Chelsea រូបនេះ បានត្រឡប់មកចូលរួមជាមួយនឹង RB Leipzig វិញកាលពីរដូវក្តៅ ហើយបានបង្ហាញខ្លួន១៤ ប្រកួតរួចមកហើយ សម្រាប់ក្លឹបចាស់នេះប៉ុន្តែជឿជាក់ថា កីឡាករនឹងអាចមានឳកាស ទៅលេងនៅអង់គ្លេសវិញ។
រំលឹកដែរថា កាលពីពេលមានវត្តមាន នៅអង់គ្លេស ក្នុងពេលផ្ទេរ ទៅលេងនៅ Chelsea កីឡាករអាល្លឺម៉ង់រូបនេះ អាចបង្ហាញខ្លួនបាន៤០ប្រកួត រកគ្រាប់បាល់បាន១៦គ្រាប់ ប៉ុន្តែក្រោយមកក៏បានធ្លាក់ទំរង់លេងខ្លាំង ជាពិសេសអំឡុង ពេលប្រកួតបាល់ទាត់ ពិភពលោកនៅកាតា៕
ប្រែសម្រួល៖ស៊ុនលី
