យោងតាមការចេញផ្សាយរបស់ The Goal បានឲ្យដឹងថាក្លឹប Romaបានប្រកាសជាផ្លូវការហើយថា វិរៈបុរសក្លឹបលោក Daniele De Rossi នឹងនៅតែបន្តធ្វើជាគ្រូបង្វឹក របស់ក្លឹបដដែលរហូតទៅដល់រដូវកាលក្រោយ។
កាលពីខែកុម្ភៈបុរសរូបនេះបានចុះកុងត្រា ដើម្បីទទួលយកការងារជាគ្រូបង្វឹករបស់ក្លឹប Roma ហើយនៅពេលនេះក្លឹបបានបញ្ជាក់យ៉ាងច្បាស់ អំពីបំណងចង់រក្សាតំណែងនិងការងារ របស់លោករហូតទៅដល់ រដូវកាលក្រោយនិងសម្រាប់ផែនការអនាគតផងដែរ។
លោក De Rossi បានមកជំនួសតំណែងរបស់លោក Jose Mourinho ក្នុងគ្រាដែលក្លឹបស្ថិតនៅលេខរៀងទី៩ក្នុងតារាងកំពូលអ៊ីតាលីបន្ទាប់មក៧ប្រកួតពេលនេះ Roma ឡើងមកលេខរៀងទី៥ បណ្តោះអាសន្ននៅក្នុងលីគនិងកំពុងស្ថិតនៅក្នុងវគ្គ១ភាគ៤ក្រោយយកឈ្នះ AC Milan ក្នុងពានរង្វាន់ Europa League ផងដែរ៕
ប្រែសម្រួល៖ស៊ុនលី
