អាហ្សង់ទីន៖យោងតាមការចេញ ផ្សាយពីគេហទំព័រ China Daily បានប្រាប់ឲ្យដឹងថា សវនាការដ៏តានតឹង និងក្តៅគគុករបស់ក្រុមគ្រូពេទ្យ របស់អតីតកីឡាករបាល់ទាត់អាហ្សង់ទីន Diego Maradona ពេលខ្លះមានភាពចលាចលដូចជីវិតរបស់កីឡាករលេខ ១០ ដែរ មិនគួរឲ្យជឿ។
ដំណើរការផ្លូវច្បាប់បានដំណើរការចាប់តាំងពីខែមេសាមក ជុំវិញការចោទប្រកាន់ថា ការធ្វេសប្រហែសរបស់បុគ្គលិកពេទ្យចំនួន ៧នឲ នាក់បានរួមចំណែកដល់ការស្លាប់របស់វិរបុសបាល់ទាត់អាហ្សង់ទីន កាលឆ្នាំ ២០២០។ កីឡាករដ៏អស្ចារ្យរូបនេះបានស្លាប់ដោយសារជំងឺខ្សោយបេះដូង និងហើមសួត ស្ថានភាពដែលសារធាតុរាវកកកុញក្នុងសួត ២សប្តាហ៍បន្ទាប់ពីទទួលការវះកាត់។
សវនាការនេះត្រូវបានគេសន្មត់ថានឹងបញ្ចប់នៅខែសីហា ប៉ុន្តែសេចក្តីថ្លែងការណ៍របស់សាក្សី និងចុងចោទជិត ៧០ និងការស្តាប់ជាង ២៥ ដងក្រោយមក វានៅតែមិនប្រាកដថា ពេលណាដែលរឿងរ៉ាវផ្លូវចិត្តផ្នែកច្បាប់នឹងបញ្ចប់។
ចុងចោទដែលទទូចថា លោក Maradona បានស្លាប់ដោយសារមូលហេតុធម្មជាតិ បានចំណាយពេលជាច្រើនខែក្នុងបន្ទប់សវនាការជាមួយកូនស្រីដែលមានទុក្ខព្រួយរបស់វិរបុរសបាល់ទាត់រូបនេះ។ នៅពេលដំណើរការចូលដល់មួយខែទៀត ខាងក្រោមនេះគឺជាការក្រឡេកមើលពេលវេលាដ៏លេចធ្លោនៃសំណុំរឿងដ៏គួរឲ្យភ្ញាក់ផ្អើលជាញឹកញាប់។
លោក Leopoldo Luque ជាគ្រូពេទ្យផ្ទាល់ខ្លួនរបស់លោក Maradona ដែលជាជនជាប់ចោទសំខាន់ ដោយសារតែលោកត្រូវបានមនុស្សជាច្រើនមើលឃើញថា ជាអ្នកទទួលខុសត្រូវនៅពេលនោះ បានប្រើប្រាស់យុទ្ធសាស្ត្រដ៏ហ្មត់ចត់ក្នុងនាមជាជនជាប់ចោទ។ lokបានចូលរួមសវនាការនីមួយៗ ដោយបានឡើងថ្លែងសុន្ទរកថារាល់ពេលដែលលោកមានអារម្មណ៍ថា សេចក្តីថ្លែងការណ៍ណាមួយមានជាប់ពាក់ព័ន្ធនឹងលោក៕
