អាមេរិក៖កាសស្តាប់នាំយក ជីវិតពិតដែលរំពឹងទុក របស់ក្រុមហ៊ុន Apple កំពុងផ្តោតលើ របាយការណ៍ថ្មី បង្ហាញថា ឧបករណ៍នេះនឹងត្រូវបានបំពាក់ ជាមួយឧបករណ៍សំខាន់ៗ ជាច្រើនដើម្បីបំពេញតម្រូវការ ជូនអតិថិជន របស់ក្រុមហ៊ុន នេះបើយោងតាម ការចេញផ្សាយ ពីគេហទំព័រឌៀលីម៉ែល។
ទីភ្នាក់ងារព័ត៌មាន Bloomberg បានឲ្យដឹងថា កាសស្តាប់ការពិតរបស់ក្រុមហ៊ុនបច្ចេកវិទ្យាយក្ស មួយបានរាយការណ៍ថា ជា “ វ៉ែនតា” នឹងធ្វើសមកាលកម្មជាមួយទូរស័ព្ទ iPhone របស់ខ្លួន ដើម្បីបង្ហាញផែនទី សារ ហ្គេម និងអ៊ីម៉ែលជូនម្ចាស់។ ក្រុមហ៊ុនក៏ត្រូវបានគេរាយការណ៍ថា កំពុងពិចារណាធ្វើឲ្យកម្មវិធីរបស់ខ្លួនអាចចូលដំណើរការបានតាមរយៈផ្នែករឹង។
យោងតាមទីភ្នាក់ងារព័ត៌មាន Bloombergថា វ៉ែនតានេះក៏នឹងភ្ជាប់ មកជាមួយកែវយឹត holographic ដែលទំនងជាដើរតួជាឆ្អឹងខ្នងបច្ចេកទេស នៃឧបករណ៍ និងនាំមកនូវបទពិសោធន៍ AR របស់វាតាមរយៈការដាក់ផ្ទាំង កញ្ចក់ឌីជីថលលើឆាកពិត។ ការដាក់ពាក្យ សុំប៉ាតង់ថ្មីៗនេះពីក្រុមហ៊ុនបានបង្ហាញថា ក្រុមហ៊ុន Apple កំពុងតែស្វែងរកបច្ចេកវិទ្យាមួយត្រូវបាន ពិពណ៌នាថា ជា ‘ឧបករណ៍បង្ហាញរូបភាព’ ប្រើឧបករណ៍បំពងសំឡេង ឆ្លុះបញ្ចាំង ពីអនាគតកាល។
Apple ហាក់ដូចជាគិតថា បច្ចេកវិទ្យា holographic នេះមានសមត្ថភាពឆ្លុះបញ្ចាំង ពន្លឺនៅក្នុងបរិយាកាស របស់មនុស្សម្នាក់ និងអាចបញ្ចូលវត្ថុបានយ៉ាងល្អ នៅក្នុងការបង្ហាញ របស់កាសបង្កើនជម្រៅ នៃវាល និងកាត់បន្ថយភាពស្រពិចស្រពិល និងចង្អោរជាញឹកញាប់ ទាក់ទងនឹង AR និង បច្ចេកវិទ្យា VR ៕ ដោយ៖លី ភីលីព
