ចិន៖ ក្រុមហ៊ុន Apple Inc បាននិយាយថា ខ្លួននឹងបន្តលើកកម្ពស់ខ្សែសង្វាក់ ផ្គត់ផ្គង់ពណ៌បៃតង នៅក្នុងប្រទេសចិន បន្ទាប់ពីក្រុមហ៊ុនបច្ចេកវិទ្យា យក្សរបស់ សហរដ្ឋអាមេរិក ដណ្តើមបានពានរង្វាន់ពីវិទ្យាស្ថាន កិច្ចការសាធារណៈ និងបរិស្ថាន របស់ប្រទេសចិន យោងតាមការចេញផ្សាយ ពីគេហទំព័រឆៃណាឌៀលី។
ក្រុមហ៊ុន Apple បាននិយាយនៅក្នុងសេចក្តីថ្លែងការណ៍មួយថា ខ្លួននឹងរក្សាកម្រិត នៃខ្សែសង្វាក់ផ្គត់ផ្គង់ឲ្យបានល្អខណៈ ពេលវានឹងបន្តជួយជំរុញភាព ជាអ្នកដឹកនាំ បរិស្ថាន។
Apple បានក្លាយជាក្រុមហ៊ុនដំបូងគេ ដែលមិនធ្លាប់ទទួលបានសញ្ញាបត្រ អនុបណ្ឌិត Green Supply Chain CITI Master ថ្មីដោយវិទ្យាស្ថាន កិច្ចការសាធារណៈ និងបរិស្ថាន ប្រទេសចិន។
ពានរង្វាន់នេះទទួលស្គាល់ ភាពជាអ្នកដឹកនាំផ្នែកបរិស្ថាន របស់ក្រុមហ៊ុន Apple ពេញមួយខ្សែសង្វាក់ ផ្គត់ផ្គង់របស់ខ្លួន ហើយវាបានកើតឡើង បន្ទាប់ពីក្រុមហ៊ុន Apple ជាប់ចំណាត់ថ្នាក់លេខ ១ លើសន្ទស្សន៍តម្លាភាពព័ត៌មាន ក្រុមហ៊ុនសម្រាប់រយៈពេល ៥ ឆ្នាំចុងក្រោយនេះ។
លោក Isabel Ge Mahe នាយកគ្រប់គ្រង Apple របស់ Greater China បានមាន ប្រសាសន៍ថា យើងតែងតែជឿជាក់ថា ដើម្បីបង្កើតផលិតផលល្អ បំផុតនៅលើ ពិភពលោកយើងក៏ត្រូវបង្កើត ផលិតផលល្អបំផុតសម្រាប់ ពិភពលោកដែរ ហើយយើង ប្តេជ្ញាជំរុញការជឿនលឿន ក្នុងផលិតកម្មវៃឆ្លាត និងប្រកបដោយនិរន្តរភាព៕
ដោយ៖លី ភីលីព
