វ៉ាស៊ីនតោន៖ និយតករសុវត្ថិភាពចរាចរណ៍ របស់សហរដ្ឋអាមេរិក បាននិយាយថា ក្រុមហ៊ុនផលិតរថយន្តអគ្គិសនី Tesla នឹងធ្វើបច្ចុប្បន្នភាពកម្មវិធី រថយន្តរបស់ខ្លួន ដើម្បីការពារអ្នកបើកបរ ពីការលេងហ្គេមវីដេអូ នៅលើកុងសូល ខណៈពេលដែលរថយន្ត កំពុងធ្វើចលនា នេះបើយោងតាមការចេញផ្សាយ ពីគេហទំព័រជប៉ុនធូដេ។
អ្នកនាំពាក្យ របស់រដ្ឋបាលសុវត្ថិភាពចរាចរណ៍ផ្លូវជាតិ បាននិយាយនៅក្នុងសេចក្តីថ្លែងការណ៍ថា បន្ទាប់ពីការបើកការវាយតម្លៃបឋមនៃ ‘Passenger Play’ របស់ក្រុមហ៊ុន Tesla ហើយក្រុមហ៊ុន Tesla បានជូនដំណឹង ដល់ទីភ្នាក់ងារថា ខ្លួន់កំពុងផ្លាស់ប្តូរមុខងារ នៃលក្ខណៈពិសេសនេះ។ សម្រាប់ការអាប់ដេតកម្មវិធីថ្មី ‘Passenger Play’ ឥឡូវនេះនឹងត្រូវបានចាក់សោ និងមិនអាចប្រើប្រាស់បាន នៅពេលរថយន្ត កំពុងមានចលនា។
ទីភ្នាក់ងារនេះ បានប្រកាសថា ខ្លួនបានចាប់ផ្តើម ការស៊ើបអង្កេត លើរថយន្ត Tesla ប្រហែល ៥៨0,000 បន្ទាប់ពីការសម្រេចចិត្ត របស់ក្រុមហ៊ុនផលិតរថយន្ត ក្នុងការអនុញ្ញាតឲ្យអ្នកបើកបរ លេងនៅលើអេក្រង់ប៉ះ របស់ប្រព័ន្ធកម្សាន្ត ខណៈពេលដែលរថយន្ត កំពុងធ្វើចលនា។ ម៉ូដែលដែល រងផលប៉ះពាល់ គឺម៉ូដែល 3, S, X និង Y ។
NHTSA បាននិយាយថា ជម្រើសដើម្បីចូលរួម Passenger Play នៅលើអេក្រង់ចម្បងអំឡុងពេល បើកបរបានធ្វើឲ្យអ្នកបើកបរ ងាយនឹងមានការរំខាន និងបង្កើនហានិភ័យ នៃគ្រោះថ្នាក់។ វាបាននិយាយនៅមុននេះថា វាបានបញ្ជាក់ថាមុខងារលេងហ្គេម មានតាំងពីខែធ្នូឆ្នាំ 2020 នៅក្នុងរថយន្ត Tesla ជាច្រើនបន្ទាប់ពីត្រូវបានបើកនៅក្នុងរបៀបចតនៅលើរថយន្តមុនៗ។
NHTSA បានធ្វើការស៊ើបអង្កេត បន្ទាប់ពីមានពាក្យបណ្តឹង របស់អតិថិជនកាលពីដើមឆ្នាំនេះ។ ពាក្យបណ្តឹងពី Lake Oswego រដ្ឋ Oregon បាននិយាយថា ហេតុអ្វីបានជាក្រុមហ៊ុនផលិត ត្រូវបានអនុញ្ញាតឲ្យបង្កើត វីដេអូ បន្តផ្ទាល់ដែលរំខាន ដោយធម្មជាតិ ដែលកាន់កាប់អេក្រង់ជាង ២/៣ ដែលអ្នកបើកបរពឹងផ្អែកលើ ព័ត៌មានអំពីរថយន្តទាំងអស់៕
ដោយ៖លី ភីលីព
