តូក្យូ៖ ប្រទេសជប៉ុន កំពុងរៀបចំសាងសង់នាវាចម្បាំង លើដ៏ធំបំផុតចំនួនពីរគ្រឿង នៅក្នុងទ្វីបអាស៊ី ដែលជានាវាចម្បាំង ដែលអាចដាក់ពង្រាយបានធំបំផុត នៅលើពិភពលោក។ នាវាពិឃាតមិនទាន់មានឈ្មោះពីរគ្រឿងនេះ នឹងការពារប្រទេសជប៉ុន ពីមីស៊ីលផ្លោងពីកូរ៉េខាងជើង និងចិន មីស៊ីលដែលអាចបំពាក់ដោយអាវុធគីមី ឬសូម្បីតែក្បាលគ្រាប់នុយក្លេអ៊ែរ។
នាវាពិឃាតទាំងពីរគ្រឿង របាយការណ៍របស់វិទ្យាស្ថាន Naval Institute News របស់សហរដ្ឋអាមេរិក នឹងត្រូវបានសាងសង់ជាពិសេស ដើម្បីចាប់ផ្តើមប្រព័ន្ធប្រយុទ្ធ Aegis រ៉ាដា និងឧបករណ៍ស្ទាក់ចាប់មីស៊ីល SM-3។ គេហទំព័រព័ត៌មានបានរាយការណ៍ថា នាវាចម្បាំងនីមួយៗ នឹងមានទម្ងន់ប្រហែល ២ម៉ឺនតោន ដែលមានប្រវែង ៦៩០ហ្វីត និងធ្នឹមប្រវែង១៣០ហ្វីត។
នាវាចម្បាំងលើផ្ទៃដ៏ធំបំផុត របស់កងទ័ពជើងទឹកសហរដ្ឋអាមេរិក ដែលជានាវាពិឃាតបំបាំងកាយ Zumwalt ថ្នាក់ទាំងបី មានទំហំតូចជាងនាវា ដែលបានគ្រោងទុករបស់ប្រទេសជប៉ុននេះទេ។ នាវាពិឃាដអាមេរិក មានទម្ងន់ ១៦,០០០ តោន ដែលមានប្រវែង ៦១០ ហ្វីត និងធ្នឹម ៨០ហ្វីត។ នាវារបស់ប្រទេសជប៉ុន ក៏នឹងធំជាងនាវាប្រភេទ 055 Renhai-class របស់ចិនផងដែរ។
នៅពេលបច្ចុប្បន្ននេះ នាវាចម្បាំងលើផ្ទៃដីធំជាងគេបំផុត នៅលើពិភពលោក គឺនាវាចម្បាំង Pyotr Velikiy របស់រុស្ស៊ី ដែលភ្ជាប់ទៅនឹងកងនាវាចរភាគខាងជើង របស់ទីក្រុងមូស្គូ ហើយវាមានប្រវែង ៨២៧ហ្វីត ជាមួយនឹងធ្នឹម ៩៤ហ្វីត។
នាវាពិឃាតទាំងពីរនេះមានទំហំធំមិនធម្មតា ដោយសារមូលហេតុជាច្រើន សម្រាប់ហេតុផលមួយ នាវាទាំងនោះទំនងជានឹងផ្ទុករ៉ាដា ការពារអាកាស SPY-6 Air and Missile Defense Radar (AMDR) ដែលផលិតដោយក្រុមហ៊ុន Raytheon ដែលបច្ចុប្បន្នត្រូវបានបំពាក់ ជាមួយនាវាពិឃាត Arleigh Burke-class របស់កងទ័ពជើងទឹកសហរដ្ឋអាមេរិក។ ទីពីរ នាវាចម្បាំងត្រូវតែផ្ទុក នូវឧបករណ៍ស្ទាក់ចាប់មីស៊ីល SM-3 Block IIA មួយចំនួនធំ ដើម្បីផ្តល់ការការពារ ប្រកបដោយនិរន្តរភាព។
ទីបី នាវាទាំងពីរ នឹងចំណាយពេលយ៉ាងយូរនៅសមុទ្រ រ៉ាដារបស់ពួកគេបញ្ចេញរស្មីឥតឈប់ឈរ រង់ចាំការរកឃើញការគំរាមកំហែងចូលមកហើយ នឹងត្រូវការអាងស្តុកប្រេងដ៏ធំ សម្រាប់ការជំរុញប្រព័ន្ធប្រយុទ្ធនិងរ៉ាដា៕
ប្រែសម្រួល ឈូក បូរ៉ា
