អាមេរិក ៖ យោងតាមការចេញផ្សាយពីគេហទំព័រ BBC បានប្រាប់ឲ្យដឹងថា ក្រុមហ៊ុនផលិតរថយន្តយក្ស អាមេរិក General Motors បានបាត់បង់តំណែង ជាអ្នកលក់រថយន្តកំពូល របស់អាមេរិក ជាលើកដំបូង ក្នុងរយៈពេល ៩០ ឆ្នាំ ក្រោយការលក់របស់ខ្លួន បានធ្លាក់ចុះ ១៣ភាគរយ ។
ក្រុមហ៊ុន Toyota របស់ប្រទេសជប៉ុន បានកាន់កាប់តំណែងកំពូល ដោយលក់រថយន្តបានជាង ២.៣ លានគ្រឿងកាលពីឆ្នាំមុន កើនឡើង ១០ភាគរយ។ ចំណែកក្រុមហ៊ុន GM បាននិយាយថា ការលក់របស់ខ្លួន ដែលបាន ធ្លាក់ចុះ ១៣ភាគរយ ត្រូវបានប៉ះពាល់ដោយកង្វះខាត យ៉ាងទូលំទូលាយ នៃផ្នែកសារធាតុដើមកំពុងប៉ះពាល់ ដល់ឧស្សាហកម្មរថយន្ត ។
ក្រុមហ៊ុន Detroit បានជាប់ចំណាត់ថ្នាក់ ជាអ្នកលក់ រថយន្តលេខមួយរបស់សហរដ្ឋអាមេរិក ចាប់តាំងពីឆ្នាំ ១៩៣១ ហើយបានប្តេជ្ញាថា វានឹងត្រលប់មកវិញ ។ អ្នកនាំពាក្យលោក Jim Cain បាននិយាយថា ខ្ញុំនឹងមិនប្រញាប់ប្រញាល់ចេញទេ ប្រសិនបើខ្ញុំជា (Toyota) និងទទួលបានស្នាមសាក់ “We’re No 1” ។
សរុបមក អ្នកវិភាគរំពឹងថាចំនួនរថយន្តថ្មី ដែលបានលក់នៅសហរដ្ឋអាមេរិក នឹងកើនឡើងប្រហែល ២ភាគរយ ក្នុងឆ្នាំ ២0២១ បើធៀបនឹងឆ្នាំ ២0២0 នៅពេលអ្នកទិញកំពុងរំជើបរំជួល ពីការចាប់ផ្ដើម នៃជំងឺរាតត្បាត នៃមេរោគនេះ ប៉ុន្តែការទិញ នៅតែធ្លាក់ចុះបើប្រៀបធៀប ទៅនឹងកម្រិតមុនការរាតត្បាត របស់ពួកគេ ដោយសារ ក្រុមហ៊ុនកំពុង ជួបបញ្ហាសង្វាក់ផ្គត់ផ្គង់ បញ្ហាដែលបានជំរុញ ឱ្យតម្លៃកើនឡើងសម្រាប់អ្នកប្រើ ប្រាស់ផងដែរ ៕
