កូរ៉េ ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpopបានប្រាប់ឲ្យដឹងថា កាលពីថ្ងៃទី ៥ ខែមករា ទីភ្នាក់ងារ Landscape Entertainment របស់តារាសម្តែង Kim Mi Soo បានបញ្ជាក់នៅក្នុងសេចក្តីថ្លែងការណ៍ ផ្លូវការមួយទៅកាន់ សារព័ត៌មានថា តារាស្រីរូបនេះ បានទទួលមរណភាព ក្នុងអាយុ ៣១ ឆ្នាំ ។
ទីភ្នាក់ងារនេះបានបញ្ជាក់ថា នេះគឺជា Landscape Entertainment ជាកន្លែងរបស់តារាសម្តែង Kim Mi Soo ។ យើងសូមជូនដំណឹងដ៏សោកសៅ និងសោកស្ដាយបំផុត ដោយសាតារាសម្ដែង Kim Mi Soo បានចាកចេញពីពិភពលោកនេះភ្លាមៗ នៅថ្ងៃទី ៥ ខែមករា ចំពោះក្រោយដឹងដំណឹងភ្លាម គ្រួសាររបស់នាង Kim Mi Soo ធ្លាក់ក្នុងទុក្ខព្រួយជាខ្លាំង ។
សូមមេត្តាកុំមានការសង្ស័យ ឬពាក្យចចាមអារ៉ាមណាមួយទាក់ទង នឹងតារាស្រីរូបនេះ ដើម្បីក្រុមគ្រួសារ នៃសព មេត្តាបញ្ជូននាងទៅដោយការគោរព។ ពិធីបុណ្យសពនឹងធ្វើឡើង ជាលក្ខណៈឯកជនតាមការចង់បាន របស់ក្រុមគ្រួសារ ។ យើងសូមបួងសួងឲ្យតារាស្រីរូបនេះ ទៅឲ្យមានសុខ ហើយក៏សូមចូលរួមរម្លែក ទុក្ខដ៏ក្រៀមក្រំបំផុតផងដែរ ។
តារាសម្ដែង Kim Mi Soo បច្ចុប្បន្នកំពុងស្វាគមន៍ ទស្សនិកជននៅលើអេក្រង់តូច ក្នុងនាមជាតួអង្គ Yeo Jung Min រឿង ‘Snowdrop’ របស់ JTBC ដែលជាមិត្តរួមបន្ទប់ និងជាមិត្តជិតស្និទ្ធ នឹងតួឯកស្រី Eun Young Ro (Jisoo សមាជិកក្រុម BLACKPINK) ។ ‘Snowdrop’ ឥឡូវនេះនឹងសម្គាល់គម្រោង ចុងក្រោយរបស់នាង មុនពេលនាងឆ្លងកាត់ មិនទាន់ពេលវេលា ។
បន្ថែមពីលើរឿង ‘Snowdrop’ Kim Mi Soo បានបង្ហាញខ្លួនក្នុងរឿង ភាគរួមទាំងរឿង ‘The School Nurse Files’ របស់ Netflix, ‘One Night’ របស់ KBS2, ‘Hi Bye, Mama!’ របស់ tvN និងរឿងជាច្រើនទៀត ៕ដោយ៖លី ភីលីព
