ញូវយ៉ក ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា នៅពេលសង្រ្គាម នៅប្រទេសអ៊ុយក្រែន អូសបន្លាយ ក្រុមហ៊ុនអន្តរជាតិ ដែលនៅតែស្ថិត ក្នុងប្រទេសរុស្ស៊ី កំពុងស្ថិតនៅក្រោមសម្ពាធ កាន់តែខ្លាំងនៃការចាកចេញ ជាបន្តបន្ទាប់ ។
អ្នកខ្លះហាក់ដូចជាតាំងចិត្តថានឹងនៅ ខ្លះនិយាយថា ពួកគេកំពុងពិចារណាឡើងវិញ ឬព្យាយាមរកច្រកចេញ ហើយខ្លះទៀតមិននិយាយទាល់តែសោះ នោះគឺជាសក្ខីកម្មមួយ ចំពោះស្ថានភាពដ៏អាក្រក់ ។ ប្រធានាធិបតីអ៊ុយក្រែន លោក Volodymyr Zelenskyy កំពុងបង្កើនការអង្វររបស់ប្រទេសនេះ ដើម្បីដាក់សម្ពាធ ក្រុមហ៊ុននានា ឲ្យចាកចេញពីប្រទេសរុស្ស៊ី។ នៅក្នុងសុន្ទរកថា ទៅកាន់សភា លោកបានស្នើឲ្យសមាជិក សភា ជំរុញអាជីវកម្ម របស់សហរដ្ឋអាមេរិក នៅតែប្រតិបត្តិការនៅប្រទេសរុស្ស៊ី ឲ្យចាកចេញ ដោយនិយាយថា ទីផ្សាររុស្ស៊ីគឺជន់លិច ដោយឈាមរបស់យើង ។
លោក Zelenskyy បានបន្តថា ត្រូវប្រាកដថា ជនជាតិរុស្ស៊ី មិនទទួលបានប្រាក់មួយ កាក់មួយ ដែលពួកគេប្រើ ដើម្បីបំផ្លាញប្រជាជន របស់យើង នៅអ៊ុយក្រែន ។ សុន្ទរកថាកាលពីថ្ងៃអង្គារ ដាច់ដោយឡែក Zelenskyy បានហៅក្រុមហ៊ុនម្ហូបអាហារ Nestle និង Mondelez ក្រុមហ៊ុនផលិត ទំនិញប្រើប្រាស់ Unilever និង Johnson & Johnson ធនាគារអឺរ៉ុប Raiffeisen និង Societe General ក្រុមហ៊ុនអេឡិចត្រូនិកយក្ស Samsung និង LG ក្រុមហ៊ុនផលិត សារធាតុគីមី BASF និងឱសថ Bayer និង Sanofi ដោយនិយាយថា ពួកគេ និងក្រុមហ៊ុនរាប់សិបផ្សេងទៀត មិនបានចាកចេញពីទីផ្សាររុស្ស៊ីទេ ។
សហរដ្ឋអាមេរិក និងសម្ព័ន្ធមិត្តបានដាក់ទណ្ឌកម្មមួយចំនួន រួចទៅហើយក្នុងគោលបំណង ធ្វើឲ្យសេដ្ឋកិច្ចរុស្ស៊ីខូចខាត ។ ក្រុមហ៊ុនអន្តរជាតិ រាប់រយបានប្រកាសថា ពួកគេកំពុងកាត់បន្ថយប្រតិបត្តិការ នៅប្រទេសរុស្ស៊ី ចំណែកក្រុមហ៊ុន បានរក្សាប្រតិបត្តិការ ក្នុងប្រទេសរុស្ស៊ីនិយាយថា ពួកគេផ្តល់សេវាកម្មសំខាន់ៗដូចជាអាហារ ឬថ្នាំពេទ្យ ដែលមិនប៉ះពាល់ដល់ការ ដាក់ទណ្ឌកម្ម ព្រោះឧស្សាហកម្មមួយចំនួនដូចជា សណ្ឋាគារ ឬភោជនីយដ្ឋាន វាពិបាកក្នុងការបិទ ដោយសារ តែកិច្ចព្រមព្រៀង ទិញសិទ្ធិផ្តាច់មុខ ។ ពួកគេបាននិយាយថា ពួកគេមិនចង់ដាក់ទណ្ឌ កម្មបុគ្គលិក របស់ពួកគេទេ ។
វាក៏មានហានិភ័យ ដែលរដ្ឋាភិបាលរុស្ស៊ី នឹងដកហូតទ្រព្យសម្បត្តិលោកខាងលិច ដូចជារោងចក្រ ប្រសិនបើពួកគេត្រូវបានបោះបង់ ចោល។ Koch Industries នាយកប្រតិបត្តិមហាសេដ្ឋីលោក Charles Koch ល្បីល្បាញខាងផ្តល់មូលនិធិបុព្វ ហេតុអភិរក្ស បានជីកកកាយក្នុងមុខតំណែងនោះ ដោយបាននិយាយកាលពីថ្ងៃពុធថា ខ្លួនមានរោងចក្រផលិត កញ្ចក់ចំនួនពីរនៅក្នុងប្រទេសរុស្ស៊ី ដែលមានបុគ្គលិកចំនួន ៦00 នាក់ ហើយវានឹងមិនបោះបង់ ចោលអាជីវកម្មនោះឡើយ ៕ដោយ៖លី ភីលីព
