កីឡាករខ្សែការពារជើងចាស់អ៊ីតាលី Giogio Chiellini មកដល់ពេលនេះ បានបន្តរស់នៅជាមួយនឹងយក្ស Juventus អស់រយៈពេលជិត២ទសវត្សមកហើយ គិតចាប់តាំងតែពីឆ្នាំ២០០៤ប៉ុន្តែពេលនេះកំពុងលេចឬព័ត៌មាន នៃការចាកចេញនៅរដូវក្តៅខាងមុខនេះ។
១៧ឆ្នាំមកនេះ Chiellini បានក្លាយទៅជានិមិត្តរូបជាមួយនឹងក្លឹបព្រមទាំង អ្នកគាំទ្ររបស់ក្លឹបប៉ុន្តែទំនងជានឹងឈានទៅដល់ពេលវេលាចុងក្រោយជាមួយនឹង ទឹកដី Turin ហើយនៅក្នុងឆ្នាំ២០២២នេះហើយទាំងកីឡាករមិន បានធ្វើការបដិសេធឡើយចំពោះ ដំណឹងនេះប៉ុន្តែបញ្ជាក់ថា នឹងធ្វើការវិភាគឲ្យបានគ្រប់ជ្រុងជ្រោយ ជាមុនសិន។
ក្នុងវ័យ៣៧ឆ្នាំទៅហើយកីឡាករខ្សែការពាររូបនេះ គឺនឹងមិនអាចមានឱកាសបង្ហាញខ្លួន នៅពានរង្វាន់ពិភពលោកឡើយដោយសារតែអ៊ីតាលីបានធ្លាក់ចេញពី ពាននេះទាំងគួរឲ្យភ្ញាក់ផ្អើល ក្នុងនាមជាម្ចាស់ពានរង្វាន់ អឺរ៉ូឆ្នាំ២០២០នេះក្តី៕
ប្រែសម្រួល៖ស៊ុនលី
