LA ៖ នេះបើយោងតាមការចុះផ្សាយ របស់សារព័ត៌មានកូរ៉េខាងត្បូងជាច្រើន បានប្រាប់ឲ្យដឹងថា បន្ទាប់ពីបានភ្ជាប់ពាក្យនៅថ្ងៃទី ៣១ ខែមីនា ពិធីរៀបការគូស្នេហ៍តារា K-coupleឡើង ហើយក៏ឃើញលោក Hyun Bin និង Son Ye-jin បានធ្វើដំណើរទៅទីក្រុង Los Angeles ដើម្បីក្រេបទឹកឃ្មុំរបស់ពួកគេ បើយោងតាមចេញផ្សាយផ្លូវការ របស់គេហទំព័រ Channel news Asia។
យោងតាម AllKpop បាននិយាយថា តារា Crash Landing On You ត្រូវបានគេឃើញ នៅអាកាសយានដ្ឋានអន្តរជាតិ Incheon ។ តារាដែលមកដល់ដោយឡែកពីគ្នា ទាំងញញឹម គ្រវីអ្នកថតរូបបានប្រមូលផ្តុំគ្នា នៅទីនោះ ហើយឆ្លើយសំណួរអ្នកសារព័ត៌មាន។ នៅថ្ងៃដដែលនោះ ភ្នាក់ងាររបស់ Hyun Bin គឺ VAST Entertainment ក៏បានបញ្ចេញរូបថតថ្មីចំនួន ៤ សន្លឹករបស់គូស្នេហ៍ពីអាពាហ៍ពិពាហ៍របស់ពួកគេ។
ទីភ្នាក់ងារនេះបានដាក់ចំណងជើង លើការបង្ហោះ Instagram ថា នៅថ្ងៃទី ៣១ ខែមីនា តារាសម្តែង Hyun Bin និង Son Ye Jin បានបញ្ចប់ពិធីមង្គលការរបស់ពួកគេ ចំពេលមានការគាំទ្រ និងពរជ័យពីមនុស្សគ្រប់គ្នា។ ជាថ្មីម្តងទៀត យើងសូមអរគុណចំពោះការគាំទ្រ ដែលអ្នកបានផ្ញើមក ។
អ្នកទាំង២បានរៀបការ នៅចំពោះមុខមិត្តភក្តិជិតស្និទ្ធ និងក្រុមគ្រួសារនៅ Grand Walkerhill Seoul House Aston។ ក្នុងចំណោមភ្ញៀវក្នុងបញ្ជី A មាន Jang Dong-gun, Go So-young, Uhm Ji-won, Song Yoon-ah និង Lee Min-jung។ គូស្នេហ៍តារាល្បីមួយគូនេះ បានបញ្ជាក់ពីទំនាក់ទំនងរបស់ពួកគេនៅខែមករា ឆ្នាំ ២0២១ ហើយពួកគេបានប្រកាសពីការភ្ជាប់ពាក្យ របស់ពួកគេមួយខែក្រោយមក៕ ដោយ៖លី ភីលីព
