អង់គ្លេសយោង តាមការចេញ ផ្សាយពីគេហទំព័រ ស្គាយញ៉ូវ បានប្រាប់ឲ្យដឹងថា The UK Fireball Alliance និងបណ្តាញអង្កេតឧតុនិយម របស់ចក្រភពអង់គ្លេស បានបញ្ជាក់ ពីព្រឹត្តិការណ៍នេះបានកើតឡើង បន្ទាប់ពីមានអ្នកមើលឃើញ អាចម៍ផ្កាយចំនៅទីក្រុងឡុងដ៍ London ទីក្រុង Birmingham ទីក្រុង Cambridgeshire និង ទីក្រុង Cornwall ប្រៀបដូចជាដុំភ្លើង ។
ការមើលឃើញរាប់រយ នៃអាចម៍ផ្កាយមួយត្រូវ បានរាយការណ៍នៅទូទាំងចក្រភព អង់គ្លេស កាលពីយប់ថ្ងៃទី១៦ ដោយអ្នកខ្លះពណ៌នាថា វាជាដុំភ្លើងខៀវបៃតងខ្ចី នៅលើមេឃ ។ បណ្តាញអង្កេតអាចម៍ផ្កាយ ចក្រភពអង់គ្លេស (UKMON) បានបញ្ជាក់ប្រាប់ Sky News ថា មានព្រឹត្តិការណ៍ផ្ទុះអាចម៍ផ្កាយនៅម៉ោងប្រហែល ៩ និង៤៤ យប់ថ្ងៃទី ១៦ ឧសភា ។
បណ្តាញ នៃតារាវិទូស្ម័គ្រចិត្តបានបញ្ជាក់ថា ពួកគេបានទទួលរបាយការណ៍សាធារណៈជាង៧០០នៃព្រឹត្តិការណ៍នេះ។ UK Fireball Alliance ក៏បានបញ្ជាក់ពីរបាយការណ៍ នៅលើ Twitter ដោយបន្ថែមថា ពួកគេបានទទួលរបាយការណ៍ជិត ១០០ ប៉ុន្តែបាននិយាយថា កាមេរ៉ារបស់ខ្លួនមិនបានចាប់ យកការមើលឃើញនោះទេ ។
លោកវេជ្ជបណ្ឌិត Ashley King មកពី UK Fireball Alliance បាននិយាយថា បាល់ភ្លើងដ៏ភ្លឺមួយត្រូវបានគេឃើញយ៉ាងទូលំទូលាយ និងត្រូវបានថតនៅចក្រភពអង់គ្លេសកាលពីយប់មិញនៅម៉ោង ២១.៤៤ ។ វាបានធ្វើដំណើរពីត្បូងទៅជើងលើតំបន់ Dorset/ Somerset ហើយមានរយៈពេលប្រហែល ៦វិនាទី។
វាទំនងជាបណ្តាលមកពីថ្ម ពីខ្សែក្រវាត់អាចម៍ផ្កាយសំខាន់ រវាងភពព្រះអង្គារ និងភពព្រហស្បតិ៍បានចូលមក ក្នុងបរិយាកាសរបស់ផែនដី ប៉ុន្តែងងឹតនៅរយៈកម្ពស់ប្រហែល៤០គីឡូម៉ែត្រ ដូច្នេះយើងមិនរំពឹងថា អាចមានអាចម៌ផ្កាយណា មួយនៅលើដីឡើយ៕ដោយ៖លី ភីលីព
