ខ្សែប្រយុទ្ធ Romelu Lukaku បាននិយាយក្នុងកម្មវិធីប្រកាសអាវថ្មីរបស់ Inter Milan សម្រាប់រដូវកាលឆ្នាំ២០២២/២៣ថា ការចាកចេញទៅកាន់ Chelsea សារជាថ្មីចោល ក្លឹប Inter Milan ជាកំហុសរបស់គេ។
Lukaku បាននិយាយថា៖” ឧបសគ្គដ៏ធំរបស់ខ្ញុំនៅក្នុងអាជីពនេះ គឺនៅក្នុងរដូវកាលថ្មីនៅនេះហើយ។ ខ្ញុំធ្លាប់បានចាកចេញចោលទីនេះ ជាកំហុសឆ្គងរបស់ខ្ញុំ។ ឥឡូវនេះគឺខ្ញុំសប្បាយចិត្តវិញហើយ ដែលបានមកពាក់អាវនេះវិញ ព្រោះក្រុមនេះដឹងថាយើងត្រូវការអ្វី ក្នុងរដូវកាលថ្មីនេះ នឹងជួបឧបសគ្គផ្សេងៗ ហើយនេះក៏ជាអ្វីដែលយើង នឹងបន្តរហូតផងដែរ “។
កីឡាករនេះបន្តថា៖” ពេលខ្ញុំចាកចេញទៅកាលពីរដូវកាលមុន ទើបខ្ញុំដឹងថា Inter សំខាន់ប៉ុណ្ណា។ ក្លឹបនេះគឺកាន់តែល្បី និងប្រសើររហូត។ Milan ជាទីក្រុងដ៏អស្ចារ្យអញ្ចឹងបានជាខ្ញុំ ទុកអាផាតមិនមួយទោះខ្ញុំផ្លាស់ទៅ London ក៏ដោយ ព្រោះតែម្ដាយខ្ញុំចូលមកទីនេះ អញ្ចឹងហើយ ខ្ញុំក៏ចង់តែត្រលប់មកនេះវិញផងដែរ “។
សម្រាប់រដូវកាលថ្មីនេះ Lukaku ចេញពី Chelsea ទៅលេងឲ្យ Inter ក្នុងលក្ខខ័ណ្ឌខ្ចីជើង ខណៈកាលពីរដូវកាលមុន គេត្រូវបាន Chelsea ទិញពី Inter ៕ Source: Sabay
