កីឡាករ Alexis Sanchez ទីបំផុត គឺអាចចូលរួមជាមួយ នឹងក្លឹបបារាំង Marseille ជាផ្លូវការហើយ ពីក្លឹបអ៊ីតាលី Inter Milan ក្រោយបានបង្ហាញខ្លួន១០៩ដង នៅទីនេះនិង រកបាន២០គ្រាប់ផងដែរ ទោះបីជាមានវ័យ៣៣ឆ្នាំ ទៅហើយក្តី។
រដូវកាលកន្លងមក Sanchez បានជួយ Inter Milan លើកពានរង្វាន់មួយចំនួនដូចជា Scudetto និងពានរង្វាន់ Supercoppa Italiana និងក៏ដូចជាពានរង្វាន់ Coppa Italia ផងដែរ។
ប៉ុន្តែការមកដឹកនាំរបស់លោក Simeone Inzaghi ហាក់ដូចជាធ្វើឲ្យឱកាសបង្ហាញខ្លួន របស់ Sanchez កាន់តែតិចទៅដែលវាបានធ្វើឲ្យកីឡាករ សម្រេចចិត្តក្នុងការចាកចេញសង្ឃឹម មានពេលវេលាប្រកួត កាន់តែច្រើនជាងមុន។
សរសេរនៅ លើបណ្តាញសង្គម Instagram របស់ខ្លួន Sanchez សរសេរថា នៅពេលនេះជាពេលវេលាដែលខ្ញុំ ត្រូវចាកចេញបន្ទាប់ពីបានចំណាយ ពេលវេលានៅទីនេះ អស់រយៈពេលជាច្រើន ឆ្នាំកន្លងមក ហើយសូមឲ្យអ្នកទាំងអស់គ្នា ជួបតែសំណាងល្អនិង អរគុណយ៉ាងខ្លាំង សម្រាប់អ្នកគ្រប់គ្នា៕
ប្រែសម្រួល៖ស៊ុនលី
