អាមេរិក ៖ យោងតាមការចេញផ្សាយពីគេហទំព័រស្គាយញ៉ូវ បាននិយាយថា ប្រាក់ចំណូលពីការផ្សាយ ពាណិជ្ជកម្មរបស់ Twitter បានធ្លាក់ចុះយ៉ាងឆាប់រហ័ស ចាប់តាំង ពីការកាន់កាប់ក្រុមហ៊ុន ដ៏ច្របូកច្របល់របស់លោក Elon Musk ចំនួន ៣៦ ពាន់លានផោន ប៉ុន្តែនាយកប្រតិបត្តិ បានបង្ហាញខ្លួន ដើម្បីបញ្ជាក់លើ tweet ថា ក្រុមហ៊ុនមួយចំនួន បានត្រឡប់មកវិញ ។
យោងតាមរបាយការណ៍បានឲ្យដឹងថា Amazon គ្រោងនឹង បន្តការផ្សាយ ពាណិជ្ជកម្មតម្លៃរាប់លានដុល្លារ នៅលើ Twitter ។ នេះបើយោងតាមទីភ្នាក់ងារ សារព័ត៌មានដោយដកស្រង់ ការបង្ហោះចេញពីប្លុកបច្ចេកវិទ្យា Platformerថា ការផ្លាស់ប្តូរនេះ នឹងឃើញក្រុមហ៊ុន Amazon ចំណាយប្រហែល ១០០ លានដុល្លារក្នុងមួយឆ្នាំចូល ទៅលើវេទិកានេះ ឥឡូវនេះជាកម្មសិទ្ធិរបស់លោក Elon Musk ។
Tweet ដោយអ្នកយកព័ត៌មាន វេទិកាបាននិយាយថា ការត្រឡប់មកវិញ របស់ក្រុមហ៊ុនកំពុងរង់ចាំការ កែប្រែសុវត្ថិភាពមួយចំនួន ទៅកាន់វេទិកាផ្សាយពាណិជ្ជកម្ម របស់ Twitter ។ យោងតាមរបាយការណ៍របស់ Bloomberg នាយកប្រតិបត្តិរបស់ Twitter លោក Musk បាននិយាយថា Apple Inc ក៏បានបន្តការ ផ្សាយពាណិជ្ជកម្មពេញលេញ របស់ខ្លួនឡើងវិញផងដែរ ។
ទាំង Amazon ឬ Apple មិនទាន់ឆ្លើយតប ចំពោះរបាយការណ៍នេះទេ ។ លោក Musk បានបញ្ឈប់បុគ្គលិកពាក់កណ្តាលនៃកម្លាំងការងារចំនួន ៨,០០០នាក់របស់ Twitter ភ្លាមៗ បន្ទាប់ពីការចូលកាន់ តំណែង របស់លោក ដោយបានផ្លាស់ប្តូរកាន់តែលឿន ដើម្បីបណ្តេញនាយក ប្រតិបត្តិកំពូលរបស់ខ្លួន ៕
