ម៉ូស្គូ៖ ក្រសួងការបរទេសរុស្ស៊ី កាលពីថ្ងៃពុធបានរារាំង ពលរដ្ឋអាមេរិកចំនួន ៧៧នាក់ បន្ថែមទៀត មិនឱ្យចូលប្រទេស ក្នុងសកម្មភាពសងសឹក នេះបើយោងតាមការ ចុះផ្សាយរបស់ទីភ្នាក់ងារ សារព័ត៌មានចិនស៊ិនហួ។
ក្រសួងបានឲ្យដឹងថា ពលរដ្ឋអាមេរិកទាំង ៧៧ នាក់នោះ រួមមានប្រធានទីភ្នាក់ងាររដ្ឋាភិបាល នាយកដ្ឋានសហព័ន្ធ និងក្រុមហ៊ុន ដែលពាក់ព័ន្ធក្នុងការផ្គត់ផ្គង់អាវុធដល់អ៊ុយក្រែន។
ប្រភពបានឲ្យដឹង “យើងចង់បញ្ជាក់ថា រាល់សកម្មភាព អរិភាពប្រឆាំងនឹងរុស្ស៊ី នឹងត្រូវបានបដិសេធ” ដោយកត់សម្គាល់ថា ការសម្រេចចិត្តនេះ ត្រូវបានធ្វើឡើងជាការឆ្លើយតប ទៅនឹងការបន្តពង្រីកបញ្ជីឈ្មោះពលរដ្ឋរុស្ស៊ី ដែលស្ថិតនៅក្រោមការដាក់ទណ្ឌកម្មផ្ទាល់ខ្លួន របស់ទីក្រុងវ៉ាស៊ីនតោន។
គួរបញ្ជាក់ថា រុស្ស៊ីត្រូវដាក់ទណ្ឌកម្មប្រឆាំង នឹងពលរដ្ឋអាមេរិកសរុប ១,៣៤៤ នាក់ នេះបើតាមក្រសួងការបរទេស៕
ប្រែសម្រួល ឈូក បូរ៉ា
