ឥណ្ឌា ៖ នេះយោងតាមការចេញ ផ្សាយពីគេហទំព័រ MSN បានប្រាប់ឲ្យដឹងថា បណ្តាញសង្គមយក្សអាមេរិក WhatsApp បញ្ចេញរបាយការណ៍សុវត្ថិភាព អ្នកប្រើប្រាស់របស់ខ្លួនជារៀងរាល់ខែ រួមបញ្ចូល ចំនួនគណនី ដែលវេទិកាបានហាមឃាត់ ក្នុងខែបន្ទាប់ និងរបាយការណ៍សារទុក្ខ ដែលវាបានទទួលដោយ អ្នកប្រើប្រាស់ និងច្រើនទៀត ។
វេទិកាគ្រប់គ្រងដោយមេតាថ្មីៗនេះ បានចែករម្លែករបាយការណ៍សុវត្ថិភាព អ្នកប្រើប្រាស់បង្ហាញថា គណនីឥណ្ឌាជាង ២៩ លាន ត្រូវបានហាមឃាត់ នៅលើបណ្តាញសង្គម WhatsApp កាលខែមករា ឆ្នាំ២០២៣ ។ WhatsApp បានហាមឃាត់គណនី អ្នកប្រើប្រាស់ទាំងនេះ នៅក្រោមច្បាប់ ៤(១)(d) នៃបច្ចេកវិទ្យាព័ត៌មាន (គោលការណ៍ណែនាំអន្តរការី និងក្រមសីលធម៌ ប្រព័ន្ធផ្សព្វផ្សាយឌីជីថល) ឆ្នាំ ២០២១ ។
របាយការណ៍ចុងក្រោយបំផុត ពីវេទិកាផ្ញើសារបន្ទាន់បង្ហាញថា WhatsApp បានហាមឃាត់គណនីជាង ២,៩១៨,០០០នៃអ្នកប្រើប្រាស់ឥណ្ឌាចាប់ពីថ្ងៃទី១ ដល់ថ្ងៃទី ៣១ ខែមករា ឆ្នាំ២០២៣ ។ គណនីនេះត្រូវបានហាមឃាត់ បន្ទាប់ពីទទួលបានសារទុក្ខ ពីអ្នកប្រើប្រាស់ក្នុង ប្រទេសឥណ្ឌា។ WhatsApp បានចាត់វិធានការប្រឆាំងនឹងគណនីទាំងនេះ បន្ទាប់ពីវិធីសាស្ត្រការពារ និងការរកឃើញរបស់ខ្លួន សម្រាប់ការបំពានច្បាប់ នៃប្រទេសឥណ្ឌា ឬលក្ខខណ្ឌប្រើប្រាស់របស់ WhatsApp ។
របាយការណ៍នេះ បានដកស្រង់បន្ថែមទៀតថា ក្នុងចំណោម ២,៩១៨,០០០គណនីហាមឃាត់ WhatsApp បានហាមឃាត់ប្រហែល ១,០៣៨,០០០ យ៉ាងសកម្ម មុនពេលទទួល បានរបាយការណ៍ណាមួយពីអ្នកប្រើប្រាស់ ។ ទិន្នន័យបានចែករម្លែកតាមរបាយការណ៍បង្ហាញថា WhatsApp មានចំនួនអ្នកប្រើប្រាស់អតិបរមា ក្នុងប្រទេសបានទទួលរបាយការណ៍ ពាក្យបណ្តឹងចំនួន ១៤៦១ ។
ក្នុងចំណោមនោះ ការប្តឹងឧទ្ធរណ៍ ហាមឃាត់ចំនួន ១៣៣៧ ត្រូវបានធ្វើឡើង ប៉ុន្តែ WhatsApp បានចាត់វិធានការប្រឆាំងនឹង ១៩១ ប៉ុណ្ណោះ ចំណែកវេទិកានេះ ក៏ទទួលបាន របាយការណ៍ទាក់ទងនឹង សុវត្ថិភាពចំនួន ៧ ប៉ុន្តែមិនមានវិធានការណា មួយត្រូវបានធ្វើឡើងដោយ ផ្អែកលើរបាយការណ៍ នោះទេ ៕
