កាណាដា ៖ ក្រុមហ៊ុនGoogle ជាម៉ាស៊ីនស្វែងរកដ៏ធំបំផុតរបស់ពិភពលោក បានប្រកាសជាផ្លូវការថា ក្រុមហ៊ុននឹង ដកចេញនូវការតភ្ជាប់ទៅកាន់កន្លែង ផ្សាយព័ត៌មានពី លទ្ធផលស្វែងរក ក្នុងប្រទេសកាណាដាជាការឆ្លើយតប ទៅនឹងច្បាប់ថ្មី ដោយតម្រូវឲ្យក្រុមហ៊ុន បច្ចេក វិទ្យាយក្ស បង់ប្រាក់ឲ្យស្ថាប័ន ព័ត៌មាន សម្រាប់ការចែករម្លែកអត្ថបទ និង ប្រព័ន្ធផ្សព្វផ្សាយព័ត៌មាន យោងតាមការចេញផ្សាយ ពីគេហទំព័រUPI ។
ដំណឹងនេះកើតឡើងមួយសប្តាហ៍ បន្ទាប់ពីក្រុមហ៊ុនមេ របស់ Facebook ឈ្មោះ Meta បានប្រកាសពីផែនការរបស់ខ្លួន ក្នុងការលុបចោលព័ត៌មាន នៅលើវេទិកា និង Instagram នៅប្រទេសកាណាដា ។ ចំណែកអ្នកតំណាងរបស់ Google បាននិយាយនៅក្នុងសេចក្តីថ្លែងការណ៍មួយថា ច្បាប់ C-18 បានក្លាយជាច្បាប់ហើយ នៅតែមិនអាចដំណើរការបានឡើយ ។ រដ្ឋាភិបាលមិនបានផ្តល់ឲ្យយើង នូវហេតុផលដើម្បីជឿថា ដំណើរការបទប្បញ្ញត្តិ នឹងអាចដោះស្រាយបញ្ហា រចនាសម្ព័ន្ធជាមួយនឹងច្បាប់នេះទេ ។
ជាលទ្ធផល យើងបានជូនដំណឹង ទៅរដ្ឋាភិបាលថា យើងបានធ្វើការសម្រេចដ៏លំបាកថា នៅពេល ច្បាប់ចូលជាធរមាន យើងនឹងដកតំណភ្ជាប់ទៅព័ត៌មាន កាណាដាចេញពី ផលិតផលស្វែងរក ព័ត៌មាន និងស្វែងរករបស់យើង ហើយនឹងមិនអាចដំណើរការ Google ទៀតទេពីការបង្ហាញព័ត៌មាន នៅប្រទេសកាណាដា ។
ក្រុមហ៊ុន Google បាននិយាយថា រដ្ឋាភិបាលនៃប្រទេសកាណាដាបានអនុម័តច្បាប់ថ្មីមួយហៅថា ច្បាប់ C-18 (ច្បាប់ស្តីពីព័ត៌មានអនឡាញ) ដោយតម្រូវឲ្យក្រុមហ៊ុនចំនួន ២ បង់ប្រាក់សម្រាប់ការគ្រាន់តែបង្ហាញតំណភ្ជាប់ទៅកាន់ព័ត៌មាន ដែលជាអ្វីមួយដែលអ្នកផ្សេងទៀត ធ្វើដោយមិនគិតថ្លៃ ៕
ដោយ៖លី ភីលីព
