តូក្យូ៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយនៅថ្ងៃទី១៥ ខែកក្កដា ឆ្នាំ ២០២៣ ថា ទិន្នន័យរបស់រដ្ឋាភិបាលបានបង្ហាញឲ្យដឹងកាលពីថ្ងៃសុក្រថា ចំនួនមធ្យម នៃអ្នកជំងឺគ្រុនផ្តាសាយ ក្នុងមួយស្ថាប័នវេជ្ជសាស្ត្រក្នុងប្រទេសជប៉ុន ក្នុងរយៈពេល៧ថ្ងៃរហូតដល់ថ្ងៃអាទិត្យ គឺមានមន្ទីរពេទ្យលើសពីមួយកន្លែង ដែលនេះបង្ហាញឲ្យឃើញពីការឆ្លងរាតត្បាតខ្លាំង ។
ក្រសួងសុខាភិបាលបានឲ្យដឹងថា ចំនួនជាមធ្យមនៃអ្នកជំងឺគ្រុនផ្តាសាយដែលត្រូវបានរាយការណ៍ដោយមន្ទីរពេទ្យមួយចំនួនដែលបានត្រួតពិនិត្យជាទៀងទាត់ចំនួន៥.០០០នាក់នៅទូទាំងប្រទេស តួលេខនេះបានឡើងពី០,៤ដល់១,៦៦ភាគរយ កាលពីពីសប្តាហ៍មុន។
ក្រសួងបានឲ្យដឹងថា តួលេខនេះមិនដែលនៅលើសពីកម្រិតកំណត់ក្នុងខែកក្កដាទេ ចាប់តាំងពីវិធីសាស្ត្ររាប់បច្ចុប្បន្នបានចាប់ផ្តើមក្នុងឆ្នាំ១៩៩៩ ។
នៅតាមបណ្តាខេត្ត ចំនួនអ្នកជំងឺគ្រុនផ្តាសាយប្រចាំមន្ទីរពេទ្យគឺខ្ពស់បំផុតនៅខេត្ត Kagoshima មានកម្រិត២៧,៣១ភាគរយ បន្ទាប់មកខេត្ត Nagasaki មាន៩,១៣ភាគរយ និងខេត្ត Miyazaki មាន៨,៨៣ភាគរយ ដែលខេត្តទាំងអស់នេះនៅក្នុងតំបន់ Kyushu ស្ថិតនៅភាគនិរតីនៃប្រទេស ៕ ប្រែសម្រួលដោយ៖ ម៉ៅ បុប្ផាមករា
