ឥណ្ឌា ៖ កាសែត Economic Times បានរាយការណ៍ កាលពីថ្ងៃអង្គារឲ្យដឹងថា ក្រុមហ៊ុនផលិតរថយន្ត Tesla របស់លោក Elon Musk អាចបង្កើតរោងចក្រផលិត រថយន្តអគ្គិសនី (EV) ដំបូងរបស់ខ្លួន ក្នុងប្រទេសឥណ្ឌា នៅដើមឆ្នាំក្រោយ ខណៈទីក្រុង New Delhi កំពុងប្រកួតប្រជែង ដើម្បីផ្តល់នូវការអនុម័ត ត្រូវការទាំងអស់ ត្រឹមខែមករា ឆ្នាំ២០២៤ យោងតាមការចេញផ្សាយពីគេហទំព័រ RT ។
នេះបើតាម ET បានរាយការណ៍ ដោយដកស្រង់ប្រភព ដែលដឹងពីបញ្ហានេះថា ការិយាល័យ របស់នាយករដ្ឋមន្ត្រី លោក Narendra Modi បានជួបប្រជុំជាមួយមន្ត្រី កំពូលកាលពីថ្ងៃចន្ទ ដើម្បីពិភាក្សាអំពីការផលិត Tesla នៅប្រទេសឥណ្ឌា ។ យោងតាមមន្ត្រីដែលមិនបញ្ចេញឈ្មោះថា ការអនុម័តយ៉ាងឆាប់រហ័ស នៅខែមករា ឆ្នាំ ២០២៤ ចំពោះការវិនិយោគបានស្នើឡើងរបស់ក្រុមហ៊ុន Tesla នៅប្រទេសត្រូវបានសរសេរ ចេញក្នុងអំឡុងពេលកិច្ចប្រជុំ ។
មន្ត្រីទី ២រូបបាននិយាយថា ក្រសួង និង នាយកដ្ឋានរដ្ឋាភិបាលត្រូវបានស្នើសុំ ឲ្យលុបបំបាត់ភាពខុសគ្នាណាមួយជាមួយក្រុមហ៊ុន Tesla និងត្រួសត្រាយផ្លូវ សម្រាប់ការផ្លាស់ប្តូរ របស់ក្រុមហ៊ុនយក្ស EV ។ កាសែតនេះបាន រាយការណ៍ថា នាយកប្រតិបត្តិជាន់ខ្ពស់ របស់ក្រុមហ៊ុន Tesla ក៏បានជួបជាមួយតំណាង រដ្ឋាភិបាល ដើម្បីពិភាក្សាអំពីផែនការបង្កើត រោងចក្រផលិតរថយន្ត និងអាគុយក្នុងប្រទេសនេះ ។
យោងតាម Reuters ថា រដ្ឋាភិបាលឥណ្ឌាកំពុង ពិចារណាកាត់ បន្ថយពន្ធនាំចូល លើរថយន្តអគ្គិសនីពីបរទេស ប្រសិនបើក្រុមហ៊ុន ផលិតរថយន្ត ប្តេជ្ញាធ្វើការ វិនិយោគ បន្ថែមទៀតនៅក្នុងប្រទេស ។ ចំណែករដ្ឋមន្ត្រីក្រសួងដឹកជញ្ជូន លោក Piyush Goyal បាននិយាយថា គោលនយោបាយ ថ្មី ក្នុងរឿងនេះ អាចត្រូវបានបង្កើតឡើង បន្ទាប់ពីពិភាក្សាជាមួយភាគី ពាក់ព័ន្ធទាំងអស់ ។
យោងតាមតួលេខពីសមាគម រថយន្តដឹកអ្នកដំណើរចិន (CPCA) បានឲ្យដឹងថា Tesla បានធ្វើការចូលប្រឡូកក្នុងប្រទេស ជិតខាងរបស់ប្រទេសចិន រួចទៅហើយ បើទោះបីជាមានការ ប្រកួតប្រជែងខ្លាំងពីក្រុមហ៊ុនផលិត រថយន្ត EV ក្នុងស្រុកក៏ដោយ ។ ក្រុមហ៊ុនផលិតរថយន្តអាមេរិក បានចែកចាយរថយន្តដែលផលិត ដោយប្រទេសចិនចំនួន ៧២,១១៥ គ្រឿងក្នុងខែតុលាតែមួយ ៕
ដោយ៖លី ភីលីព
