ឡូសអ៊ែនជីឡេស ៖ ប្រភពពីទីភ្នាក់ងារ Xinhua បានផ្សព្វផ្សាយនៅថ្ងៃទី១៩ ខែវិច្ឆិកា ឆ្នាំ២០២៣ថា គ្រាប់រ៉ុក្កែត Starship ដ៏ធំរបស់ក្រុមហ៊ុន SpaceX កាលពីថ្ងៃសៅរ៍បានផ្ទុះឡើង នៅពេលធ្វើការបាញ់បង្ហោះសាកល្បងជាលើកទី២របស់ខ្លួន ប៉ុន្តែបានបញ្ចប់នៅមុន អាយុកាលរបស់វា ដោយការផ្ទុះមួយនាទី បន្ទាប់ពីការបាញ់បង្ហោះឡើង ។
ក្រុមហ៊ុន SpaceX បានឲ្យដឹងថា គ្រាប់រ៉ុក្កែត Starship ត្រូវបានដកចេញដោយជោគជ័យ ក្រោមថាមពលនៃម៉ាស៊ីន Raptor ទាំង៣៣នៅលើ Super Heavy Booster ហើយបានធ្វើឡើងតាមរយៈការបំបែក ដំណាក់កាលជោគជ័យ ។
ក្រុមហ៊ុនបានបញ្ជាក់ថា Booster បានជួបប្រទះនឹង “ការរុះរើមិនបានគ្រោងទុកភ្លាមៗ” បន្ទាប់ពីការបំបែកដំណាក់កាល និងការដុតបញ្ឆេះឡើងវិញ ខណៈដែលម៉ាស៊ីន របស់គ្រាប់រ៉ុក្កែត Starship បានបាញ់អស់ជាច្រើននាទី នៅលើផ្លូវទៅកាន់លំហ ។
គ្រាប់រ៉ុក្កែតសម្រាប់បម្រើ ទីអវកាសនេះ ត្រូវបានរចនាឡើង ដើម្បីបញ្ជូនអវកាសយានិក ទៅកាន់ឋានព្រះចន្ទ្រ ភពព្រះអង្គារ និងភពផ្សេងៗទៀត ៕
ប្រែសម្រួលដោយ៖ ម៉ៅ បុប្ផាមករា
