ចិន៖ នេះបើយោងតាមទីភ្នាក់ងារ អវកាសចិន Manned Space Agency បានប្រាប់ឲ្យដឹងថា សមាជិកនាវិកបេសកកម្ម នៃយន្តអវកាស Shenzhou XVII បានធ្វើការដើរ លើលំហដំបូង របស់ពួកគេ កាលពីថ្ងៃព្រហស្បតិ៍ ដោយបានបញ្ចប់កិច្ចការ ជាច្រើននៅខាងក្រៅ ស្ថានីយអវកាស Tiangong យោងតាមការចេញផ្សាយ ពីគេហទំព័រឆៃណាឌៀលី ។
ទីភ្នាក់ងារនេះបាននិយាយក្នុង សេចក្តីប្រកាសព័ត៌មានមួយថា មេបញ្ជាការបេសកកម្មជាន់ខ្ពស់វរសេនីយ៍ឯកលោក Tang Hongbo និងសមាជិកនាវិកលោកវរសេនីយ៍ទោ Tang Shengjie បានត្រឡប់ទៅម៉ូឌុលវិទ្យាសាស្ត្រ Wentian នៅម៉ោង ៩:៣៥ យប់ បន្ទាប់ពីអណ្តែតរយៈពេល ៧ ម៉ោងកន្លះនៅខាងក្រៅស្ថានីយគន្លងដ៏ធំ ។
សមាជិកនាវិកទីបីគឺ លោកវរសេនីយ៍ឯក Jiang Xinlin បានស្នាក់នៅខាងក្នុង Tiangong ដើម្បីផ្តល់ការគាំទ្រ។
វាជាការដើរលើលំហទី១៤ ដែលធ្វើឡើងដោយអវកាសយានិកចិន។ ក្នុងអំឡុងពេលប្រតិបត្តិការនេះ លោក Tang Hongbo និងលោក Tang Shengjie បានបំពេញភារកិច្ច ដែលបានកំណត់ ទុកជាមុន ដូចជាប្រតិបត្តិការជួសជុល ដោយពិសោធន៍លើស្លាប ថាមពលពន្លឺព្រះអាទិត្យរបស់ម៉ូឌុលស្នូល Tianhe ។
ការដើរលំហអាកាសនេះគឺជាលើកទីពីរ សម្រាប់លោក Tang Hongbo ក៏ជាមនុស្សទីមួយដែលបានត្រលប់ ទៅស្ថានីយអវកាស Tiangong វិញ។ វាក៏បានធ្វើឲ្យលោក Tang Shengjie បច្ចុប្បន្នមានអាយុ ៣៤ ឆ្នាំ ជាអវកាសយានិកវ័យក្មេង បំផុតរបស់ចិន មានបទពិសោធន៍ដើរក្នុងលំហ ។
ទីភ្នាក់ងារនេះបាននិយាយថា មានការចាត់តាំងវិទ្យាសាស្ត្រ និងបច្ចេកវិទ្យាជាច្រើនសម្រាប់នាវិក Shenzhou XVII ដើម្បីអនុវត្តក្នុងប៉ុន្មាន ខែខាងមុខ ដោយបន្ថែមថា ពួកគេគ្រោងនឹងអនុវត្តការដើរលំហ អាកាសជាច្រើនក្នុងអំឡុង ពេលប៉ុន្មានថ្ងៃ ដែលនៅសល់ នៃការស្នាក់នៅក្នុងគន្លងតារាវិថី។ អវកាសយានិកដែលជាក្រុមទីប្រាំមួយនៃប្រជាជន Tiangong បានមកដល់កន្លែងហោះហើរ ដ៏ធំសម្បើមកាលពីថ្ងៃទី ២៦ ខែតុលា ដើម្បីកាន់កាប់ពីមិត្តភក្ដិ Shenzhou XVI របស់ពួកគេ ៕
ដោយ៖លី ភីលីព
