យោងតាមប្រកាសលេខ ៥៣១ សហវ.ប្រក ចុះថ្ងៃទី៣០ ខែឧសភា ឆ្នាំ២០១៨ បានឱ្យដឹងថា ការប្រមូលពន្ធលើមធ្យោបាយដឹកជញ្ជូន និងយានជំនិះ គ្រប់ប្រភេទប្រចាំឆ្នាំ គឺត្រូវធ្វើឡើងចាប់ពីថ្ងៃទី១ ខែមិថុនា ដល់ថ្ងៃទី៣០ ខែវិច្ឆិកា នៃឆ្នាំនីមួយៗ ដើម្បីជាគុណប្រយោជន៍ ដល់ថវិកាថ្នាក់ក្រោមជាតិ។
![](https://lookingtoday.com/wp-content/uploads/2024/06/665e7e0365594_1717468620_medium-1.jpg)
ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ គឺជាពន្ធប្រចាំឆ្នាំដែលអនុវត្តលើមធ្យោបាយដឹកជញ្ជូនគ្រប់ប្រភេទ ដែលក្នុងនោះរួមមាន រថយន្តទេសចរណ៍ រថយន្តដឹកទំនិញ រថយន្តដឹកអ្នកដំណើរ រ៉ឺម៉កសណ្ដោង ជលយាន ឬជលយានយន្ត ទាំងផ្លូវទន្លេ និងសមុទ្រ ។
ខាងក្រោមនេះ គឺជាការកំណត់ប្រាក់ពន្ធតាមទំហំស៊ីឡាំងរបស់រថយន្តទេសចរណ៍៖
១. រថយន្តដែលមានទំហំស៊ីឡាំងដល់ ១៥០០សេសេ
-ឆ្នាំផលិតដល់ ៥ឆ្នាំ ត្រូវបង់ពន្ធចំនួន ១៥ម៉ឺនរៀល
-ឆ្នាំផលិតលើសពី ៥ឆ្នាំ ដល់ ១០ឆ្នាំ ត្រូវបង់ពន្ធចំនួន ១០ម៉ឺនរៀល
-ឆ្នាំផលិតលើសពី ១០ឆ្នាំ ត្រូវបង់ពន្ធចំនួន ៨ម៉ឺនរៀល។
![](https://lookingtoday.com/wp-content/uploads/2024/06/665e7e1735b45_1717468680_medium.jpg)
២. រថយន្តដែលមានទំហំស៊ីឡាំងលើសពី ១៥០០សេសេ ដល់ ២ពាន់សេសេ
-ឆ្នាំផលិតដល់ ៥ឆ្នាំ ត្រូវបង់ពន្ធចំនួន ២០ម៉ឺនរៀល
-ឆ្នាំផលិតលើសពី ៥ឆ្នាំ ដល់ ១០ឆ្នាំ ត្រូវបង់ពន្ធចំនួន ១៥ម៉ឺនរៀល
-ឆ្នាំផលិតលើសពី ១០ឆ្នាំ ត្រូវបង់ពន្ធចំនួន ១០ម៉ឺនរៀល។
៣. រថយន្តដែលមានទំហំស៊ីឡាំងលើសពី ២ពាន់សេសេ ដល់ ២៩០០សេសេ
-ឆ្នាំផលិតដល់ ៥ឆ្នាំ ត្រូវបង់ពន្ធចំនួន ៦០ម៉ឺនរៀល
-ឆ្នាំផលិតលើសពី ៥ឆ្នាំ ដល់ ១០ឆ្នាំ ត្រូវបង់ពន្ធចំនួន ៤០ម៉ឺនរៀល
-ឆ្នាំផលិតលើសពី ១០ឆ្នាំ ត្រូវបង់ពន្ធចំនួន ២៥ម៉ឺនរៀល។
![](https://lookingtoday.com/wp-content/uploads/2024/06/665e7e16bb6b4_1717468680_medium.jpg)
៤. រថយន្តដែលមានទំហំស៊ីឡាំងលើសពី ២៩០០សេសេ ដល់ ៤ពាន់សេស
-ឆ្នាំផលិតដល់ ៥ឆ្នាំ ត្រូវបង់ពន្ធចំនួន ១,៦លានរៀល
• ឆ្នាំផលិតលើសពី ៥ឆ្នាំ ដល់ ១០ឆ្នាំ ត្រូវបង់ពន្ធចំនួន ១លានរៀល
-ឆ្នាំផលិតលើសពី ១០ឆ្នាំ ត្រូវបង់ពន្ធចំនួន ៦០ម៉ឺនរៀល។
៥. រថយន្តដែលមានទំហំស៊ីឡាំងលើសពី ៤ពាន់សេសេឡើងទៅ
![](https://lookingtoday.com/wp-content/uploads/2024/06/665e7e13d41ec_1717468680_medium.jpg)
-ឆ្នាំផលិតដល់ ៥ឆ្នាំ ត្រូវបង់ពន្ធចំនួន ២លានរៀល
-ឆ្នាំផលិតលើសពី ៥ឆ្នាំ ដល់ ១០ឆ្នាំ ត្រូវបង់ពន្ធចំនួន ១,២លានរៀល -ឆ្នាំផលិតលើសពី ១០ឆ្នាំ ត្រូវបង់ពន្ធចំនួន ៨០ម៉ឺនរៀល៕
![](https://lookingtoday.com/wp-content/uploads/2024/06/665e7e1351954_1717468680_medium.jpg)
![](https://lookingtoday.com/wp-content/uploads/2020/08/1-2.png)