ចិន៖ក្រុមហ៊ុន Apple Inc បានដាក់លក់ iPhone 16 Pro និង iPhone 16 Pro Max កាលពីថ្ងៃចន្ទ ដោយបង្ហាញនូវបន្ទះឈីប A18 Pro បង្កើតឡើងសម្រាប់ Apple Intelligence ទំហំអេក្រង់ធំជាងមុន មុខងារកាមេរ៉ាប្រកបដោយភាពច្នៃប្រឌិត និងថាមពលថ្មដ៏ច្រើនលើសលប់ យោងតាមការចេញផ្សាយពីគេហទំព័រ China Daily ។
នេះបើយោងតាមការចេញផ្សាយព័ត៌មានរបស់ Apple បាននិយាយថា ការបញ្ជាទិញជាមុននៃទូរស័ព្ទ iPhone ថ្មីនឹងចាប់ផ្តើមនៅថ្ងៃសុក្រជាមួយនឹងការដាក់លក់នៅថ្ងៃទី ២០ ខែកញ្ញា ។ ចំណែកនេះបើយោងតាមការចេញផ្សាយព័ត៌មានរបស់ Huaweiថា ក្រុមហ៊ុន Huawei Technologies Co., Ltd បានដាក់បង្ហាញទូរស័ព្ទបត់បាន ៣ ជាន់ គឺ Huawei Mate XT កាលពីថ្ងៃអង្គារក្នុងរយៈពេល ២៤ ម៉ោងដំបូងនៃការបញ្ជាទិញជាមុន បានចាប់ផ្តើមកាលពីថ្ងៃសៅរ៍ ស្មាតហ្វូន Mate XT ទទួលបានការបញ្ជាទិញច្រើនជាង ២ លានគ្រឿង ។
ក្រុមហ៊ុនដែលមានមូលដ្ឋាននៅទីក្រុង Shenzhen បាននិយាយថា ការបញ្ជាទិញសម្រាប់ Mate XT បានកើនឡើងលើសពី ៣.៤ លានគ្រឿងគិតត្រឹមថ្ងៃអង្គារ ដោយតម្លៃរបស់វាចាប់ផ្តើមពី ១៩,៩៩៩យន់ (២,៨០៩ដុល្លារ)។ Apple បាននិយាយថា iPhone ស៊េរីថ្មីមានកាមេរ៉ា Fusion ទំហំ 48MP អាចថតវីដេអូក្នុងកម្រិត 4K 120 fps (frames per second) ក្នុង Dolby Vision។
យោងតាមក្រុមហ៊ុន Apple បានឲ្យដឹងថា iPhone 16 Pro នឹងមានតម្លៃចាប់ពី ៩៩៩ ដុល្លារ ហើយ iPhone 16 Pro Max មានតម្លៃ ១,១៩៩ ដុល្លារ ជាមួយនឹងទំហំផ្ទុក 128GB, 256GB, 512GB និង 1TB ។ ការបង្ហាញអេក្រង់នៃត្រកូល Pro ថ្មីនឹងមានទំហំធំបំផុតមិនធ្លាប់មាននៅលើ iPhone ។ ទូរស័ព្ទនេះនឹងមានស៊ុមស្តើងបំផុត ជាមួយនឹងទំហំអេក្រង់ ៦.៣ អ៊ីង និង ៦.៩ អ៊ីង រៀងគ្នា។
នេះបើយោងតាមក្រុមហ៊ុនផលិតទូរស័ព្ទដែលមានមូលដ្ឋាននៅទីក្រុង Cupertino រដ្ឋកាលីហ្វ័រញ៉ាថាបន្ទះឈីប A18 Pro នឹងពង្រឹងមុខងារ AI របស់ iPhone សម្រាប់អត្ថបទ អូឌីយ៉ូ និងរូបភាព ដែលមានមុខងារ Siri, Writing Tools ប្រសើរឡើង និងងាយស្រួលចូលប្រើ ChatGPT។ ទូរស័ព្ទ iPhone ថ្មីមានថាមពលថ្មកាន់បានថាមពលយូរបំផុតមិនធ្លាប់មាន អាចចាក់វីដេអូរហូតដល់ ៣៣ ម៉ោងសម្រាប់ Pro Max និង ២៧ ម៉ោងនៃការចាក់វីដេអូសម្រាប់ Pro ។
រីឯHuawei Mate XT អនុញ្ញាតឲ្យអ្នកប្រើប្រែក្លាយទូរស័ព្ទទៅជាថេប្លេតទំហំ ១០.២ អ៊ីញជាមួយនឹងកម្រិតភាពច្បាស់រហូតដល់ 2232 X 3184 ភីកសែលក្នុងស្ថានភាពអេក្រង់បីរបស់វា។ ស្មាតហ្វូននេះនឹងភ្ជាប់មកជាមួយ RAM ទំហំ 16GB និងជម្រើសអង្គផ្ទុកទិន្នន័យចំនួន ៣ គឺ 256GB, 512GB និង 1TB ៕https://www.chinadaily.com.cn/a/202409/11/WS66e0f533a3103711928a74f6.html
