បរទេស ៖ យោងតាមការចេញផ្សាយរបស់ទូរទស្សន៍ BBC បានឲ្យដឹងថាប្រទេសអ៊ីស្រាអែល បានប្រារព្ធពិធីរំលឹកដល់ជនរងគ្រោះនៃការសម្លាប់រង្គាល និងការចាប់ពង្រត់ធ្វើឡើង ដោយក្រុមហាម៉ាស់ កាលពីថ្ងៃទី៧ខែតុលា ឆ្នាំ២០២៣ ខណៈដែលបច្ចុប្បន្នកំពុងបន្តការ ប្រយុទ្ធគ្នាយ៉ាងខ្លាំងនៅក្នុងតំបន់ហ្គាហ្សា និងលីបង់ ។
មួយឆ្នាំក្រោយមកនៃការវាយប្រហារ ដែលបានសម្លាប់មនុស្ស ប្រហែល១,២០០នាក់ និង២៥១ នាក់ត្រូវបានចាប់ធ្វើជាចំណាប់ខ្មាំង នាយករដ្ឋមន្ត្រីអ៊ីស្រាអែលលោក Benjamin Netanyahu បានប្តេជ្ញាថា នឹងបញ្ឈប់ការវាយប្រហារ បែបនេះម្តងទៀត ដោយនិយាយថា កងកម្លាំងប្រដាប់អាវុធរបស់ អ៊ីស្រាអែលកំពុង ផ្លាស់ប្តូរការពិតសន្តិសុខនៅក្នុងតំបន់។
ទោះបីជាយ៉ាងណាក្តីស្ថានភាពជម្លោះ ដែលបានធ្វើឡើងបន្ទាប់ពីការវាយប្រហារ របស់ក្រុមហាម៉ាសបានបង្កឱ្យមានមនុស្សស្លាប់កើនឡើងយ៉ាងខ្លាំងទៅដល់ជិត៤២.០០០នាក់នៅហ្គាហ្សាស្ទ្រីបនេះបើយោង តាមក្រសួងសុខាភិបាលដែលគ្រប់គ្រងដោយក្រុមហាម៉ាស។
គួរឲ្យដឹងដែរថានៅចំណថ្ងៃ នៃការប្រារព្ធពិធីនេះ អ៊ីស្រាអែលបាននិយាយថា ខ្លួនបានស្ទាក់ចាប់គ្រាប់រ៉ុក្កែតជាង ១០០គ្រាប់ដែលបាញ់ដោយ ក្រុមហេសបូឡាចេញពីប្រទេស លីបង់ ក៏ដូចជាគ្រាប់ផ្លោងដែលបាញ់ដោយក្រុមHouthiរបស់យេម៉ែន និងពីក្រុមហាម៉ាស់នៅហ្គាហ្សា៕
ប្រែសម្រួល៖ស៊ុនលី
