តូក្យូ ៖ រដ្ឋាភិបាលជប៉ុនបានព្រមានកាលពីថ្ងៃព្រហស្បតិ៍ អំពីផលប៉ះពាល់យ៉ាងសំខាន់លើ ទំនាក់ទំនងសេដ្ឋកិច្ចរបស់ខ្លួនជាមួយអាមេរិក និងលើពាណិជ្ជកម្ម ពិភពលោក បន្ទាប់ពីប្រធានាធិបតី អាមេរិក លោក Donald Trump បានប្រកាសដំឡើងពន្ធនាំចូលលើរថយន្ត យោងតាមការចេញផ្សាយពីគេហទំព័រ Japan Today ។
ទីក្រុងតូក្យូ គឺជាសម្ព័ន្ធមិត្តសេដ្ឋកិច្ច និងយុទ្ធសាស្ត្រជិតស្និទ្ធបំផុតមួយរបស់ទីក្រុងវ៉ាស៊ីនតោន ដោយក្រុមហ៊ុនរបស់ខ្លួនជាអ្នកវិនិយោគធំជាងគេនៅអាមេរិក និងការងារមួយក្នុង ចំណោមការងារជប៉ុនចំនួន ១០ ដែលទាក់ទងនឹងវិស័យរថយន្ត។
លោក Trump បានប្រកាសកាលពីថ្ងៃពុធថា ពន្ធ ២៥ ភាគរយ លើរថយន្តទាំងអស់ ដែលមិនត្រូវបានផលិតនៅ អាមេរិក ហើយមានប្រសិទ្ធភាពចាប់ពីម៉ោង ១២:០១ ព្រឹកនៅភាគខាងកើតនៅថ្ងៃទី ៣ ខែមេសា ។
នាយករដ្ឋមន្ត្រី លោក Shigeru Ishiba កាលពីខែមុនបានជួបពិភាក្សា ជាមិត្តភាពជាមួយ Trump នៅសេតវិមានបាននិយាយថា ប្រទេសជប៉ុន កំពុងពិនិត្យមើលការឆ្លើយតប “សមស្រប” ។ លោក Ishiba បានបន្ថែមថា ប្រទេសជប៉ុនបានធ្វើការវិនិយោគសំខាន់ៗ និងការបង្កើតការងារសំខាន់ៗ ដែលមិនអនុវត្តចំពោះប្រទេសទាំងអស់ យើងគឺជាប្រទេសលេខមួយក្នុង ការវិនិយោគនៅអាមេរិក ។
អ្នកនាំពាក្យរដ្ឋាភិបាល លោក Yoshimasa Hayashi បាននិយាយថា យើងជឿជាក់ថាវិធានការបច្ចុប្បន្ន និងការរឹតបន្តឹងពាណិជ្ជកម្ម ដែលមានមូលដ្ឋានទូលំទូលាយផ្សេងទៀត ដោយរដ្ឋាភិបាលសហរដ្ឋអាមេរិក អាចមានឥទ្ធិពលយ៉ាងសំខាន់លើទំនាក់ទំនងសេដ្ឋកិច្ចរវាងប្រទេសជប៉ុន និងអាមេរិក ក៏ដូចជាលើសេដ្ឋកិច្ច ពិភពលោក និងប្រព័ន្ធពាណិជ្ជកម្មពហុភាគី។
លោក Hayashi បានបន្តថា ដើម្បីឆ្លើយតបទៅនឹងការប្រកាសនេះ យើងបានប្រាប់រដ្ឋាភិបាល អាមេរិកម្តងទៀតថា វិធានការនេះ គឺគួរឲ្យសោកស្តាយបំផុត ហើយយើងបានជំរុញយ៉ាងខ្លាំង ឲ្យរដ្ឋាភិបាលអាមេរិកដកប្រទេសជប៉ុន ចេញពីវិសាលភាពនៃវិធានការនេះ។
រដ្ឋាភិបាលបាននិយាយថា រដ្ឋមន្ត្រីពាណិជ្ជកម្ម និងឧស្សាហកម្ម របស់កូរ៉េខាងត្បូង លោក Ahn Duk-geun បានបើកកិច្ចប្រជុំបន្ទាន់មួយ ជាមួយក្រុមហ៊ុនផលិតរថយន្តធំៗ និងក្រុមហ៊ុនដទៃទៀត បន្ទាប់ពីមានការប្រកាសរបស់លោក Trump ។
លោក Ahn បាននិយាយថា រដ្ឋាភិបាលនឹងធ្វើការយ៉ាង ជិតស្និទ្ធជាមួយឧស្សាហកម្មនេះ ដើម្បីបង្កើតវិធានការតបត ហើយដោយមានការ សម្របសម្រួលជាមួយក្រសួង ផ្សេងទៀត ប្រកាសផែនការ ឆ្លើយតបបន្ទាន់ដ៏ទូលំទូលាយ សម្រាប់វិស័យរថយន្តក្នុងខែមេសា ។
ក្រុមហ៊ុនផលិតរថយន្តដែលលក់ដាច់បំផុតរបស់ពិភពលោក Toyota បានបិទធ្លាក់ចុះ ២.០ ភាគរយ ខណៈNissan ធ្លាក់ចុះ ១.៧ ភាគរយ និង Honda ធ្លាក់ចុះ ២.៥ ភាគរយ។ នៅកូរ៉េខាងត្បូង ភាគហ៊ុន Hyundai បានធ្លាក់ចុះ ៤.០ ភាគរយ ។
ក្រុមហ៊ុន Honda បាននិយាយថា វានឹងសិក្សាពីផលប៉ះពាល់នៃពន្ធលើអាជីវកម្មរបស់យើង បន្ទាប់មកយើងនឹងចាត់វិធានការដើម្បីកាត់បន្ថយផលប៉ះពាល់។ យានជំនិះមានចំនួនប្រហែល ២៨ ភាគរយនៃការនាំចេញ របស់ប្រទេសជប៉ុនមានទឹកប្រាក់ ១៤២ ពាន់លានដុល្លារនៃការនាំចេញ ដែលជាប់ព្រំដែនអាមេរិក ក្នុងឆ្នាំ ២០២៤៕
