កូរ៉េខាងត្បូង ៖ យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា សម្រាប់វគ្គថ្ងៃទី ២ ខែមីនា ឆ្នាំ ២០២៦ (KST) នៃកម្មវិធី Lovers of Joseon របស់ទូរទស្សន៍ TV Chosun សមាជិកក្រុមចម្រៀង CAN លោក Bae Giseong ឬលោក Bae Kisung បានធ្វើឲ្យទស្សនិកជន ភ្ញាក់ផ្អើលយ៉ាងខ្លាំង បន្ទាប់ពីលោកបានបង្ហាញថា លោកបានបាត់បង់ការស្តាប់ក្នុងត្រចៀកម្ខាង បន្ទាប់ពីការខិតខំប្រឹងប្រែងយ៉ាងខ្លាំង ដើម្បីឲ្យមានកូន។
កម្មវិធីនេះបានតាមដាន លោក Bae Giseong និងភរិយារបស់លោកទៅកាន់មន្ទីរពេទ្យ ជាកន្លែងដែលតារាចម្រៀងរូបនេះត្រូវបានបញ្ជាក់ថា មានការបាត់បង់ការស្តាប់ស្រួចស្រាវ ។ លោកបានពន្យល់ថា មានរឿងចម្លែកមួយបានចាប់ផ្តើមកើតឡើងចំពោះរាងកាយរបស់ខ្ញុំ ហើយបានបន្ថែមថា លោកបានទទួលការព្យាបាល ប្រហែលបីសប្តាហ៍មកហើយ ប៉ុន្តែការប្រសើរឡើងគឺយឺត ដូច្នេះលោកមានគម្រោងធ្វើតេស្តបន្ថែម។
គ្រូពេទ្យដែលចូលរួម បានសន្និដ្ឋានថា បញ្ហាសុខភាពរបស់លោក Bae Giseong បណ្តាលមកពីការហាត់ប្រាណហួសប្រមាណ ខណៈកំពុង ព្យាយាមមានកូន។ គ្រូពេទ្យបានពន្យល់ថា កត្តាសម្រេចចិត្តគឺថា គាត់បានបង្ខំខ្លួនឯងខ្លាំងពេកក្នុងពេលរៀបចំសម្រាប់ការមានផ្ទៃពោះ។
នៅពេលលោក Bae Giseong សួរថា តើការស្តាប់របស់គាត់នឹងវិលមករកភាពប្រក្រតីវិញដែរឬទេ ប្រសិនបើមុខងារផ្លូវភេទរបស់លោកបានជាសះស្បើយ គ្រូពេទ្យបានប្រាប់តារាចម្រៀងរូបនេះដោយត្រង់ៗថា អាយុ និងមុខងារមេជីវិតឈ្មោល របស់អ្នកកំពុងធ្លាក់ចុះរួចទៅហើយ ហើយគ្មានការប៉ុនប៉ងប៉ុន្មានដង នឹងអាចផ្លាស់ប្តូររឿងនោះបានទេ ។ នោះជាពេលលោក Bae Giseong បានសារភាពដោយស្មោះត្រង់ថា ខ្ញុំត្រូវបានគេប្រាប់ថា យើងត្រូវតែធ្វើវាឲ្យបាន ញឹកញាប់ តាមអាចធ្វើទៅបាន ដូច្នេះយើងបានរួមភេទជារៀងរាល់យប់រយៈពេល ៨ ថ្ងៃជាប់ៗគ្នា៕
