កូរ៉េខាងត្បូង៖យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា កំពូលតារាចម្រៀង Jennie សមាជិកក្រុមតារាចម្រៀងនារី កូរ៉េខាងត្បូង BLACKPINK ត្រូវបានរងការរិះគន់ថា បានលួចចម្លងយ៉ាងច្រើនពីអ្នកលេងអ៊ីនធើណេត ជាមួយនឹងការចេញផ្សាយវីដេអូ Teaser អាល់ប៊ុមថ្មីរបស់នាង។
ថ្មីៗនេះកំពូលតារាចម្រៀង នាង Jennie បានប្រកាសពីការចេញអាល់ប៊ុម FALLEN ANGEL។ ការប្រកាសដំបូងបានបង្កឲ្យមានរិះគន់យ៉ាងខ្លាំង។ នៅថ្ងៃទី ២៦ ខែសីហា នាង Jennie បានចែករម្លែកផ្ទាំងរូបភាព Teaser រួមជាមួយនឹងព័ត៌មានសម្រាប់ការកុម្ម៉ង់ទុកជាមុននៃអាល់ប៊ុម។
យ៉ាងណាក៏ដោយ នៅពេលផ្ទាំងរូបភាពត្រូវបានចែករម្លែក វាត្រូវបានរិះគន់ពីបទលួចចម្លងយ៉ាងច្រើន ខណៈអ្នកលេងអ៊ីនធើណេត ជាច្រើនបានរកឃើញថា សមាសភាព និងពណ៌ស្រដៀងនឹងបទ Supernatural and Spiritual Ascension របស់ Ariana Grande ពីក្រុមតន្រ្តី Cherie Amour៕
