ក្នុងកិច្ចពិភាក្សាជាមួយ YouTuber បច្ចេកវិទ្យាឈ្មោះ Marques Keith Brownlee លោក Mark Zuckerberg នាយកប្រតិបត្តិ Facebook បាននិយាយដោយឥតលាក់លៀមថាស្រឡាញ់ពេញចិត្តស្មាតហ្វូនម៉ាក Samsung និងប្រព័ន្ធប្រតិបត្តិការ Android ជារួម។
ពេលដែល Marques សួរថាក្នុងហោប៉ៅរបស់ Mark គឺជាទូរសព្ទអ្វី Mark បានឆ្លើយតបថា ៖ “អ្នកដឹងអត់ ខ្ញុំបានប្រើប្រាស់ទូរសព្ទ Samsung ច្រើនឆ្នាំមកហើយ ហើយខ្ញុំជាអ្នកគាំទ្រ Samsung យ៉ាងខ្លាំងក្លាម្នាក់។ ខ្ញុំគិតថា (Samsung) ផលិតទូរសព្ទបានល្អ។”
Mark ក៏បាននិយាយដែរថាខ្លួនពេញចិត្តនឹងប្រព័ន្ធ Android ហើយបានបកស្រាយមនុស្សរាប់ពាន់លាននាក់ដែលប្រើប្រាស់ផលិតផល Facebook គឺប្រើប្រាស់ស្មាតហ្វូន Android ហេតុនេះវាជារឿងសំខាន់សម្រាប់រូបលោក និងថ្នាក់ដឹកនាំផ្នែកផលិតផលនៅ Facebook ត្រូវស្គាល់ស្មាតហ្វូន Android ឲ្យបានច្រើន ជាជាង iPhone៕
ដោយ ៖ sabay
