អតីតកីឡាករខ្សែ ប្រយុទ្ធរបស់ក្លឹប Barcelona និងជម្រើសជាតិប្រេស៊ីល Rivaldo នៅថ្ងៃបានលើកឡើងថាក្លឹបពិតចាបានសាងកំហុសដ៏ធំមួយដែលអនុញ្ញាតិឲ្យកីឡាករខ្សែប្រយុទ្ធ Luis Suarez ចាកចេញពីក្លឹប។
លោក Rivaldo បានបន្តទៀតថា Suarez នឹងក្លាយទៅជាខ្សែប្រយុទ្ធ ដ៏សាកសមបំផុត សម្រាប់ក្រុមលោក Diego Simeone បន្ទាប់ពីក្លឹប AT Madrid បានឆ្មក់ទិញយកបានខ្សែប្រយុទ្ធអ៊ុយរ៉ាហ្គាយ មួយនេះក្នុងតម្លៃត្រឹមតែ៦លានអ៊ឺរ៉ូ ។
កីឡាករវ័យ៣៣ឆ្នាំរូបនេះ បានចំណាយពេលដល់ទៅ៦ឆ្នាំ មកហើយជាមួយនឹង Camp Nou ដោយស៊ុតបានទៅដល់១៩៨គ្រាប់ក្នុងការបង្ហាញខ្លួនចំនួន២៨៣ដងជួយឲ្យក្លឹបលើកពាន La Liga ចំនួន៤ដងពានរង្វាន់ Champion League មួយដងផងដែរ៕
ប្រែសម្រួល៖ស៊ុនលី
