ប្រធានក្លឹបបុរីរម្យយូណាយធីត (Buriram United) លោក ណេវិន ឈីដឆប (Newin Chidchob) តាមពិតទៅយកឈ្មោះ តាមមេដឹកនាំយោធាភូមាមួយរូបគឺ ឧត្ដមសេនីយ៍ ណេ វីន (Ne Win) ដែលឡើងកាន់ភូមាពីឆ្នាំ១៩៦២ ដល់ឆ្នាំ១៩៨៨។
ឪពុករបស់លោកគឺ លោក ឆៃ ឈីដឆប បានដាក់ឈ្មោះលោក តាមមេដឹកនាំភូមារូបនោះ ដោយសារតែការគោរពសរសើរ ចំពោះភាពអង់អាចក្លាហាន របស់ឧត្ដមសេនីយ៍រូបនេះ។
សូមជម្រាបផងដែរថា លោក ណេ វីន ភូមាបានឡើងកាន់អំណាចតាមរយៈការធ្វើរដ្ឋប្រហារនៅឆ្នាំ១៩៦២។ ក្នុងសម័យរបស់លោក ភូមារស់ក្នុងភាពឯកោនិយម។ លោកចុះពីអំណាចនៅឆ្នាំ១៩៨៨ ដោយការរដ្ឋប្រហារ ពីសំណាក់ឧត្ដមសេនីយ៍មួយរូប ក្រោយមានការបង្ក្រាបយ៉ាងឃោរឃៅចំពោះបាតុកម្មថ្ងៃទី៨ ខែសីហា ឆ្នាំ១៩៨៨ ដែលដឹកនាំដោយអ៊ុង សានស៊ូជី។
ចំណែកឯណេវិន បុរីរម្យនេះវិញ ក៏មិនធម្មតាដែរ ក្រៅពីប្រធានក្លឹបបុរីរម្យ លោកជាអ្នកនយោបាយដ៏មានឥទ្ធិពលម្នាក់។ សព្វថ្ងៃលោកជាមេដឹកនាំជាន់ខ្ពស់ នៃគណបក្សភូមិចៃថៃ ដែលជាសម្ព័ន្ធមិត្តនឹងរាជរដ្ឋាភិបាលរបស់លោក ប្រាយុទ្ធ។ កាលពីជាង ២០ឆ្នាំមុន លោកធ្លាប់ជាដៃស្ដាំរបស់លោកថាក់ស៊ីន សិនវ័ត្រ អតីតនាយករដ្ឋមន្ត្រីថៃ មុននឹងបង្កើតបក្សភូមិចៃថៃ៕ ប្រភព៖ sabay
